Arshika 94

Ārṣika 94

a̱bhi pri̱yaṃ di̱vaspa̱damadhva̱ryubhi̱rguhā̍ hi̱tam | sūra̍: paśyati̱ cakṣa̍sā ||12

a̱sṛgra̱miṃda̍vaḥ pa̱thā dharma̍nnṛ̱tasya̍ su̱śriya̍: | vidā̍nā a̱sya yoja̍nā

pra dhārā̱ madhvo̍ agri̱yo ma̱hīrapo̱ vi gā̍hate | ha̱virha̱viḥṣu̱ vaṃdya̍:

pra yu̱jā vā̱co agri̍yo̱ vṛṣo̍ acikrada̱dvane̍ | sadmā̍bhi sa̱tyo a̍dhva̱raḥ

pari̱ yatkāvyā̍ ka̱virnṛ̱mṇā pu̍nā̱no arṣa̍ti | sva̱rṣājī̍ siṣāsati

pavamāno̱ abhi̱ spṛdho̱ viśo̱ rāje̍va sīdati | yadīmṛṇvaṃti̍ ve̱dhasa̍ḥ

a̱vyā vāre̱ pari̍ pri̱yo hari̱rvane̍ṣu sīdati | re̱bho va̍nuṣyate ma̱tī

sa vā̱yumiṃdra̍ma̱śvinā sa̱ākaṃ made̍na gacchati | raṇā̱ yo a̱sya dharma̍ṇā

ā mi̱tre varu̍ṇe̱ bhage̱ madho̍ḥ pavaṃta ū̱rmaya̍ḥ | vi̱dānā a̱sya śa̱kmabhi̍ḥ

a̱smabhya̍ṃ rodasī ra̱yiṃ madho̱ vāja̍sya sā̱taye̍ | śravo̱ vasū̍ṃni̱ saṃ ji̍tam

ā te̱ dakṣa̍ṃ mayo̱bhuva̱ṃ vahnima̱dyā vṛ̍ṇīmahe | pāṃta̍mā puru̱spṛha̍m

ā ma̍dra̱mā vare̍ṇyama̱ vipra̍mā manī̱ṣiṇa̍m | pāṃta̍mā puru̱spṛha̍m

Linked texts (6)