Arshika 95

Ārṣika 95

ā ra̱yimā su̱cetu̍namā su̱krato̍ tanū̱dvāṃ | pāṃta̍mā puru̱spṛha̍m || 12

mūrddhāna̍ṃ di̱vo a̍ra̱tiṃ pṛ̍thi̱vyā vai̍śvāna̱ramṛ̱ta ā jā̱tama̱gnim
ka̱viṃ samrāja̱mati̍thiṃ janā̍nāmā̱sanna̱ḥ pātra̍ṃ janayaṃta de̱vāḥ

tvāṃ viśve̍ a̱mṛta̱ jāya̍māna̱ṃ śiśu̱ṃ na de̱vā a̱bhi saṃ na̍vaṃte
tava̱ kratu̍bhiramṛta̱tvamāya̱nvaśvānara̱ yatpi̱troradī̍deḥ

nābhi̍ṃ ya̱jñānā̱ṃ sada̍naṃ rayī̱ṇāṃ ma̱hāmā̱hāva̍ma̱bhi saṃ na̍vaṃta
vai̱śvāna̱raṃ ra̱thyama̍dhvarāṇāṃ ya̱jñasya̍ ke̱tuṃ ja̍nayaṃta de̱vāḥ || 3

pra vo̍ mi̱trāya̍ gāyata varu̍ṇāya vi̱pā gi̱rā | mahi̍kṣa̱trāvṛtaṃ bṛhat

sa̱mrājā̱ yā ghṛ̱tayo̍nī mi̱traśco̱bhā varu̍ṇaśca | de̱vā de̱veṣu̍ praśa̱stā

tā na̍ḥ śa̱ktaṃ pārthi̍vasya ma̱ho rā̱yo di̱vyasya̍ | mahi̍ vāṃ kṣa̱traṃ de̱veṣu̍ || 3

iṃdrā̱ yāhi̍ citrabhāno su̱tā i̱me tvā̍yavaḥ | aṇvā̍bhīsta̱nā pū̱tāsa̍ḥ

iṃdrā̱ yā̍hi̱ dhiyeṣi̍to̱ vipra̍jūtaḥ su̱tāvata̍: | upa̱ brahmā̍ṇi vā̱ghata̍ḥ

iṃdrā̱ yā̍hi̱ tūtū̍ṃjāna̱ upa̱ brahmā̍ṇi harivaḥ | su̱te da̍dhiṣva naśca̱naḥ ||3

Linked texts (5)