Arshika 97
Ārṣika 97
- Language
- Sanskrit
97.1
pro a̍yāsīdiṃdu̱riṃdra̍sya ni̱ṣkṛta̍m̐ sakhā̱ sakhyu̱rna pra mi̍nāti̱ saṃgi̍ram
marya̍ iva yu̱vati̍bhi̱ḥ sama̍rṣati̱ soma̍: ka̱laśe̍ śatayā̍manā pa̱thā
97.2
pra vo̱ dhiyo̍ maṃdra̱yuvo̱ vipa̱nyuva̍: pana̱syuva̍: saṃvara̍ṇe̱ṣvakra̍muḥ
hari̍ṃ krīḍa̍ṃtama̱bhya̍nūṣata̱ stubho̱ 'bhi dhena̍va̱ḥ paya̍se̱daśi̍śrayuḥ
97.7
ā na̍: soma saṃya̍taṃ pi̱pyuṣī̱miṣa̱miṃdo̍ pavasva pavamāna ū̱rmiṇā̍
yā no̍ dohate̱ tri̱raha̍nnasaścu̱ṣī kṣuma̍dvā̱java̍nmadhu̱matsu̱vīrya̍m ||3
Linked texts (4)
- Kauthuma (Svādhyāya Maṇḍala edition, Pāraḍī) — Sanskrit
- Chandasīsaṃhitā — Sanskrit
- Sāmavedīmantra — Sanskrit
- Āgneyagāna — Sanskrit