Atharvaveda 11.3

Language: Sanskrit

11.3.1

tasyaudanasya bṛhaspatiḥ śiro brahma mukham ..1..

11.3.2

dyāvāpṛthivī śrotre sūryācandramasāvakṣiṇī saptaṛṣayaḥ prāṇāpānāḥ ..2..

11.3.3

cakṣurmusalaṃ kāma ulūkhalam ..3..

11.3.4

ditiḥ śūrpamaditiḥ śūrpagrāhī vāto'pāvinak..4..

11.3.5

aśvāḥ kaṇā gāvastaṇḍulā maśakāstuṣāḥ ..5..

11.3.6

kabru phalīkaraṇāḥ śaro'bhram ..6..

11.3.7

śyāmamayo'sya māṃsāni lohitamasya lohitam ..7..

11.3.8

trapu bhasma haritaṃ varṇaḥ puṣkaramasya gandhaḥ ..8..

11.3.9

khalaḥ pātraṃ sphyāvaṃsāvīṣe anūkye ..9..

11.3.10

āntrāṇi jatravo gudā varatrāḥ ..10..

11.3.11

iyameva pṛthivī kumbhī bhavati rādhyamānasyaudanasya dyaurapidhānam ..11..

11.3.12

sītāḥ parśavaḥ sikatā ūbadhyam ..12..

11.3.13

ṛtaṃ hastāvanejanaṃ kulyopasecanam ..13..

11.3.14

ṛcā kumbhyadhihitārtvijyena preṣitā ..14..

11.3.15

brahmaṇā parigṛhītā sāmnā paryūḍhā ..15..

11.3.16

bṛhadāyavanaṃ rathantaraṃ darviḥ ..16..

11.3.17

ṛtavaḥ paktāra ārtavāḥ samindhate ..17..

11.3.18

caruṃ pañcabilamukhaṃ gharmo'bhīndhe ..18..

11.3.19

odanena yajñavataḥ sarve lokāḥ samāpyāḥ ..19..

11.3.20

yasmintsamudro dyaurbhūmistrayo'varaparaṃ śritāḥ ..20..

11.3.21

yasya devā akalpantocchiṣṭe ṣaḍaśītayaḥ ..21..

11.3.22

taṃ tvaudanasya pṛcchāmi yo asya mahimā mahān ..22..

11.3.23

sa ya odanasya mahimānaṃ vidyāt..23..

11.3.24

nālpa iti brūyān nānupasecana iti nedaṃ ca kiṃ ceti ..24..

11.3.25

yāvaddātābhimanasyeta tan nāti vadet..25..

11.3.26

brahmavādino vadanti parāñcamodanaṃ prāśī3ḥ pratyañcā3 iti ..26..

11.3.27

tvamodanaṃ prāśī3 tvāmodanā3 iti ..27..

11.3.28

parāñcaṃ cainaṃ prāśīḥ prāṇāstvā hāsyantītyenamāha ..28..

11.3.29

pratyañcaṃ cainaṃ prāśīrapānāstvā hāsyantītyenamāha ..29..

11.3.30

naivāhamodanaṃ na māmodanaḥ ..30..

11.3.31

odana evaudanaṃ prāśīt..31..

11.3.31_1

11.3.3 ulūkhalopari ṭippaṇī

11.3.31_2

11.3.4 ditiḥ śūrpamiti

11.3.31_3

diti upari saṃkṣipta ṭippaṇī

Linked texts (2)

Śaunakasaṃhitā — Sanskrit
Aṅgirasī — Sanskrit