Atharvaveda 15.3: sūktaṃ 15.3

Atharvaveda 15.3

Language: Sanskrit

sūktaṃ 15.3

15.3.1

sa saṃvatsaramūrdhvo'tiṣṭhattaṃ devā abruvan vrātya kiṃ nu tiṣṭhasīti ..1..

15.3.2

so'bravīdāsandīṃ me saṃ bharantviti ..2..

15.3.4

tasyā grīṣmaśca vasantaśca dvau pādāvāstāṃ śaracca varṣāśca dvau ..4..

15.3.5

bṛhacca rathantaraṃ cānūcye āstāṃ yajñāyajñiyaṃ ca vāmadevyaṃ ca tiraścye ..5..

15.3.6

ṛcaḥ prāñcastantavo yajūṃṣi tiryañcaḥ ..6..

15.3.10

tasya devajanāḥ pariṣkandā āsantsaṃkalpāḥ prahāyyā viśvāni bhūtānyupasadaḥ ..10..

15.3.11

viśvānyevāsya bhūtānyupasado bhavanti ya evaṃ veda ..11..

tasmai prācyā diśaḥ . [1]
vāsantau māsau goptārāvakurvan bṛhacca rathantaraṃ cānuṣṭhātārau . [2]
vāsantāvenaṃ māsau prācyā diśo gopāyato bṛhacca rathantaraṃ cānu tiṣṭhato ya evaṃ veda..
tasmai dakṣiṇāyā diśaḥ . [4]
graiṣmau māsau goptārāvakurvan yajñāyajñiyaṃ ca vāmadevyaṃ cānuṣṭhātārau .
graiṣmāvenaṃ māsau dakṣiṇāyā diśo gopāyato yajñāyajñiyaṃ ca vāmadevyaṃ cānu tiṣṭhato ya evaṃ veda..
tasmai pratīcyā diśaḥ . [7]
vārṣikau māsau goptārāvakurvan vairūpaṃ ca vairājaṃ cānuṣṭhātārau . [8]
vārṣikāvenaṃ māsau pratīcyā diśo gopāyato vairūpaṃ ca vairājaṃ cānu tiṣṭhato ya evaṃ veda..
tasmā udīcyā diśaḥ . [10]
śāradau māsau goptārāvakurvaṃ chyaitaṃ ca naudhasaṃ cānuṣṭhātārau . [11]
śāradāvenaṃ māsāvudīcyā diśo gopāyataḥ śyaitaṃ ca naudhasaṃ cānu tiṣṭhato ya evaṃ veda..
tasmai dhruvāyā diśaḥ . [13]
haimanau māsau goptārāvakurvan bhūmiṃ cāgniṃ cānuṣṭhātārau . [14]
haimanāvenaṃ māsau dhruvāyā diśo gopāyato bhūmiścāgniścānu tiṣṭhato ya evaṃ veda..
tasmā ūrdhvāyā diśaḥ . [16]
śaiśirau māsau goptārāvakurvan divaṃ cādityaṃ cānuṣṭhātārau . [17]
śaiśirāvenaṃ māsāvūrdhvāyā diśo gopāyato dyauścādityaścānu tiṣṭhato ya evaṃ veda..

15.5.1

tasmai prācyā diśo antardeśādbhavamiṣvāsamanuṣṭhātāramakurvan . [1]
bhava enamiṣvāsaḥ prācyā diśo antardeśādanuṣṭhātānu tiṣṭhati nainaṃ śarvo na bhavo neśānaḥ..
nāsya paśūn na samānān hinasti ya evaṃ veda..
tasmai dakṣiṇāyā diśo antardeśāccharvamiṣvāsamanuṣṭhātāramakurvan . [4]
śarva enamiśvāso dakṣiṇāyā diśo antardeśādanuṣṭhātānu tiṣṭhati nainaṃ śarvo na bhavo neśānaḥ..
nāsya paśūn na samānān hinasti ya evaṃ veda..
tasmai pratīcyā diśo antardeśātpaśupatimiṣvāsamanuṣṭhātāramakurvan . [6]
paśupatirenamiṣvāsaḥ pratīcyā diśo antardeśādanuṣṭhātānu tiṣṭhati nainaṃ śarvo na bhavo neśānaḥ..
nāsya paśūn na samānān hinasti ya evaṃ veda..
tasmā udīcyā diśo antardeśādugraṃ devamiṣvāsamanuṣṭhātāramakurvan . [8]
ugra enaṃ deva iṣvāsa udīcyā diśo antardeśādanuṣṭhātānu tiṣṭhati nainaṃ śarvo na bhavo neśānaḥ..
nāsya paśūn na samānān hinasti ya evaṃ veda..
tasmai dhruvāyā diśo antardeśādrudramiṣvāsamanuṣṭhātāramakurvan . [10]
rudra enamiṣvāso dhruvāyā diśo antardeśādanuṣṭhātānu tiṣṭhati nainaṃ śarvo na bhavo neśānaḥ..
nāsya paśūn na samānān hinasti ya evaṃ veda..
tasmā ūrdhvāyā diśo antardeśān mahādevamiṣvāsamanuṣṭhātāramakurvan . [12
mahādeva enamiṣvāsa ūrdhvāyā diśo antardeśādanuṣṭhātānu tiṣṭhati nainaṃ śarvo na bhavo neśānaḥ..
nāsya paśūn na samānān hinasti ya evaṃ veda..
tasmai sarvebhyo antardeśebhya īśānamiṣvāsamanuṣṭhātāramakurvan . [14]
īśāna enamiṣvāsaḥ sarvebhyo antardeśebhyo'nuṣṭhātānu tiṣṭhati nainaṃ śarvo na bhavo neśānaḥ..
nāsya paśūn na samānān hinasti ya evaṃ veda..

15.6.3

sa dhruvāṃ diśamanu vyacalat. [1]
taṃ bhūmiścāgniścauṣadhayaśca vanaspatayaśca vānaspatyāśca vīrudhaścānuvyacalan .
bhūmeśca vai so'gneścauṣadhīnāṃ ca vanaspatīnāṃ ca vānaspatyānāṃ ca vīrudhāṃ ca priyaṃ dhāma bhavati ya evaṃ veda
sa ūrdhvāṃ diśamanu vyacalat. [4]
tamṛtaṃ ca satyaṃ ca sūryaśca candraśca nakṣatrāṇi cānuvyacalan . [5]
ṛtasya ca vai sa satyasya ca sūryasya ca candrasya ca nakṣatrāṇāṃ ca priyaṃ dhāma bhavati ya evaṃ veda
sa uttamāṃ diśamanu vyacalat. [7]
tamṛcaśca sāmāni ca yajūṃṣi ca brahma cānuvyacalan . [8]
ṛcāṃ ca vai sa sāmnāṃ ca yajuṣāṃ ca brahmaṇaśca priyaṃ dhāma bhavati ya evaṃ veda ..3..

15.6.3_1

sa bṛhatīṃ diśamanu vyacalat. [10]
tamitihāsaśca purāṇaṃ ca gāthāśca nārāśaṃsīścānuvyacalan . [11]
itihāsasya ca vai sa purāṇasya ca gāthānāṃ ca nārāśaṃsīnāṃ ca priyaṃ dhāma bhavati ya evaṃ veda..
sa paramāṃ diśamanu vyacalat. [13]
tamāhavanīyaśca gārhapatyaśca dakṣiṇāgniśca yajñaśca yajamānaśca paśavaścānuvyacalan..
āhavanīyasya ca vai sa gārhapatyasya ca dakṣiṇāgneśca yajñasya ca yajamānasya ca paśūnāṃ ca priyaṃ dhāma bhavati ya evaṃ veda
so'nādiṣṭāṃ diśamanu vyacalat. [16]
tamṛtavaścārtavāśca lokāśca laukyāśca māsāścārdhamāsāścāhorātre cānuvyacalan..
ṛtūnāṃ ca vai sa ārtavānāṃ ca lokānāṃ ca laukyānāṃ ca māsānāṃ cārdhamāsānāṃ cāhorātrayośca priyaṃ dhāma bhavati ya evaṃ veda
so'nāvṛttāṃ diśamanu vyacalattato nāvartsyann amanyata . [19]
taṃ ditiścāditiśceḍā cendrāṇī cānuvyacalan . [20]
diteśca vai so'diteśceḍāyāścendrāṇyāśca priyaṃ dhāma bhavati ya evaṃ veda
sa diśo'nu vyacalattaṃ virāḍanu vyacalatsarve ca devāḥ sarvāśca devatāḥ . [22]
virājaśca vai sa sarveṣāṃ ca devānāṃ sarvāsāṃ ca devatānāṃ priyaṃ dhāma bhavati ya evaṃ veda..
sa sarvān antardeśān anu vyacalat. [24]
taṃ prajāpatiśca parameṣṭhī ca pitā ca pitāmahaścānuvyacalan . [25]
prajāpateśca vai sa parameṣṭhinaśca pituśca pitāmahasya ca priyaṃ dhāma bhavati ya evaṃ veda..

15.7.1

sa mahimā sadrurbhūtvāntaṃ pṛthivyā agacchatsamudro'bhavat..1..

15.7.2

taṃ prajāpatiśca parameṣṭhī ca pitā ca pitāmahaścāpaśca śraddhā ca varṣaṃ bhūtvānuvyavartayanta ..2..

15.7.3

ainamāpo gacchantyainaṃ śraddhā gacchatyainaṃ varṣaṃ gacchati ya evaṃ veda ..3..

15.7.4

taṃ śraddhā ca yajñaśca lokaścānnaṃ cānnādyaṃ ca bhūtvābhiparyāvartanta ..4..

15.7.4_1

ainaṃ śraddhā gacchatyainaṃ yajño gacchatyainaṃ loko gacchatyainamannaṃ gacchatyainamannādyaṃ gacchati ya evaṃ veda..

15.8.1

so'rajyata tato rājanyo'jāyata ..1..

15.8.2

sa viśaḥ sabandhūn annamannādyamabhyudatiṣṭhat..2..

15.8.3

viśāṃ ca vai sa sabandhūnāṃ cānnasya cānnādyasya ca priyaṃ dhāma bhavati ya evaṃ veda ..3..

15.9.1

sa viśo'nu vyacalat..1..

15.9.2

taṃ sabhā ca samitiśca senā ca surā cānuvyacalan ..2..

15.9.3

sabhāyāśca vai sa samiteśca senāyāśca surāyāśca priyaṃ dhāma bhavati ya evaṃ veda ..3..

15.10.1

tadyasyaivaṃ vidvān vrātyo rājño'tithirgṛhān āgacchet..1..

15.10.3

śreyāṃsamenamātmano mānayettathā kṣatrāya nā vṛścate tathā rāṣṭrāya nā vṛścate ..
ato vai brahma ca kṣatraṃ codatiṣṭhatāṃ te abrūtāṃ kaṃ pra viśāveti ..3..

15.10.4

bṛhaspatimeva brahma praviśatvindraṃ kṣatraṃ tathā vā iti ..4..

15.10.5

ato vai bṛhaspatimeva brahma prāviśadindraṃ kṣatram ..5..

15.10.6

iyaṃ vā u pṛthivī bṛhaspatirdyaurevendraḥ ..6..

15.10.7

ayaṃ vā u agnirbrahmāsāvādityaḥ kṣatram ..7..

15.10.8

ainaṃ brahma gacchati brahmavarcasī bhavati ..8..

15.10.9

yaḥ pṛthivīṃ bṛhaspatimagniṃ brahma veda ..9..

15.10.10

ainamindriyaṃ gacchatīndriyavān bhavati ..10..

15.10.11

ya ādityaṃ kṣatraṃ divamindraṃ veda ..11..

15.11.1

tadyasyaivaṃ vidvān vrātyo'tithirgṛhān āgacchet..1..

15.11.2

svayamenamabhyudetya brūyādvrātya kvāvātsīrvrātyodakaṃ vrātya tarpayantu vrātya yathā te priyaṃ tathāstu vrātya yathā te vaśastathāstu vrātya yathā te nikāmastathāstviti ..2..