Atharvaveda 19.52: sūktaṃ 19.52
Atharvaveda 19.52
- Language
- Sanskrit
sūktaṃ 19.52
19.52.1
kāmastadagre samavartata manaso retaḥ prathamaṃ yadāsīt.
sa kāma kāmena bṛhatā sayonī rāyaspoṣaṃ yajamānāya dhehi ..1..
19.52.2
tvaṃ kāma sahasāsi pratiṣṭhito vibhurvibhāvā sakha ā sakhīyate .
tvamugraḥ pṛtanāsu sasahiḥ saha ojo yajamānāya dhehi ..2..
19.52.3
dūrāccakamānāya pratipāṇāyākṣaye .
āsmā aśṛṇvann āśāḥ kāmenājanayantsvaḥ ..3..
19.52.4
kāmena mā kāma āgan hṛdayāddhṛdayaṃ pari .
yadamīṣāmado manastadaitūpa māmiha ..4..
19.52.5
yatkāma kāmayamānā idaṃ kṛṇmasi te haviḥ .
tan naḥ sarvaṃ samṛdhyatāmathaitasya haviṣo vīhi svāhā ..5..
Linked texts (3)
- Śaunakasaṃhitā — Sanskrit
- Aṅgirasī — Sanskrit
- Vedārthaprakāśa (Mādhavācārya alias Sāyaṇācārya) — Mādhavācārya alias Sāyaṇācārya, Sanskrit