Atharvaveda 2.17: sūktaṃ 2.17

Atharvaveda 2.17

Language: Sanskrit

sūktaṃ 2.17

2.17.7

paripāṇamasi paripāṇaṃ me dāḥ svāha ..7..

2.17.7_1

'ojosi' ityanena āyuṣkāmaḥ pūrvam uktaprakāreṇa trayodaśa drvyāṇi juhuyāt . sūtraṃ tu tatraivodāhṛtam .
ojo'syojo me dāḥ svāhā .1..

2.17.7_2

ojaḥ . asi . ojaḥ . me . dāḥ . svāhā .. 1 ..

2.17.7_3

atra sūkte devatāviśeṣasya aśravaṇāt homādhārabhūto'gniḥ saṃbodhyaḥ hūyamānadravyaṃ vā . he agne hūyamānadravya vā tvam ojaḥ. ātmanaḥ . ojaḥ śarīrasthitikāraṇam aṣṭamo dhātuḥ . tad uktam ācāryaiḥ --

2.17.7_4

'x x x ojo nāmāṣṭamī daśā .
kṣetrajñasya tad ojastu kevalāśraya iṣyate ..

yathā snehaḥ pradīpasya yathā'bhram aśanitviṣaḥ.' iti.
tathāvidham ojaḥ tvam asi . taddhetutvāt tācchabdyam . 'āyurvai ghṛtam' (tai 2,3,11,5) itivat . ato me mahyam ojaḥ uktalakṣaṇaṃ dāḥ dehi . svāhā svāhutam idam astu . oja iti . ubja ārjave . 'ubjerbale balopaśca' ( pāu 4, 192 ) iti asun balopaśca.
saho'si saho me dāḥ svāhā ..2..

2.17.7_6

sahaḥ . asi . sahaḥ . me. dāḥ . svāhā .. 2 ..

2.17.7_7

sahaḥ śatrūṇām abhibhavanasamarthaṃ tejo'si . sahaterabhibhavārthād asun . anyat pūrvavat .
balamasi balaṃ dāḥ svāhā ..3..

2.17.7_8

balam . asi . balam . me . dāḥ . svāhā .. 3 ..

2.17.7_9

spaṣṭorthaḥ.
āyurasyāyurme dāḥ svāha ..4..

2.17.7_10

āyuḥ . asi . āyuḥ . me . dāḥ . svāhā .. 4 ..

2.17.7_11

āyuścirakālajīvanam asi . ataḥ śatasaṃvatsaraparimitam āyurme *[dāḥ] dehi .
śrotramasi śrotraṃ me dāḥ svāha ..5..

2.17.7_12

śrotram . asi . śrotram . me . dāḥ . svāhā .. 5 ..

2.17.7_13

cakṣurasi cakṣurme dāḥ svāha ..6..

2.17.7_14

cakṣuḥ . asi . cakṣuḥ . me . dāḥ . svāhā .. 6..

2.17.7_15

pañcamīṣaṣṭhyau nigadasiddhe.
paripāṇamasi paripāṇaṃ me dāḥ svāha ..7..

2.17.7_16

pari'pānam . asi . pari'pānam . me . dāḥ . svāhā .. 7 ..

2.17.7_17

paripāṇam paritaḥ pālanam . taddhetutvāt tācchabdyam . paripālaka ityarthaḥ. ataḥ paripāṇam paritaḥ sarvataḥ āyurbhaṅganimittabhūtebhyaḥ pālanaṃ [dāḥ] dehi . paripūrvāt pāterbhāve lyuṭ . 'kṛtyacaḥ' (pā 8,4,29) iti nasya ṇatvam .
iti dvitīye kāṇḍe tṛtīye'nuvāke saptamaṃ sūktam .
iti dvitīyo'nuvākaḥ samāptaḥ.