Atharvaveda 20.142: sūktaṃ 20.142
Atharvaveda 20.142
- Language
- Sanskrit
sūktaṃ 20.142
20.142.1
abhutsyu pra devyā sākaṃ vācāhamaśvinoḥ .
vyāvardevyā matiṃ vi rātiṃ martyebhyaḥ ..1..
20.142.2
pra bodhayoṣo aśvinā pra devi sūnṛte mahi .
pra yajñahotarānuṣakpra madāya śravo bṛhat..2..
20.142.3
yaduṣo yāsi bhānunā saṃ sūryeṇa rocase .
ā hāyamaśvino ratho vartiryāti nṛpāyyam ..3..
20.142.4
yadāpītāso aṃśavo gāvo na duhra ūdhabhiḥ .
yadvā vāṇīranuṣata pra devayanto aśvinā ..4..
20.142.5
pra dyumnāya pra śavase pra nṛṣāhyāya śarmaṇe .
pra dakṣāya pracetasā ..5..
20.142.6
yan nūnaṃ dhībhiraśvinā pituryonā niṣīdathaḥ .
yadvā sumnebhirukthyā ..6..
Linked texts (2)
- Śaunakasaṃhitā — Sanskrit
- Aṅgirasī — Sanskrit