Atharvaveda 20.71: sūktaṃ 20.071

Atharvaveda 20.71

mahāmindraḥ paraśca nu mahitvamastu vajriṇe .
dyaurna prathinā śavaḥ ..1..

samohe vā ya āśata narastokasya sanitau .
viprāso vā dhiyāyavaḥ ..2..

yaḥ kukṣiḥ somapātamaḥ samudra iva pinvate .
urvīrāpo na kākudaḥ ..3..

evā hyasya sūnṛtā virapśī gomatī mahī .
pakvā śākhā na dāśuṣe ..4..

evā hi te vibhūtaya ūtaya indra māvate .
sadyaścitsanti dāśuṣe ..5..

evā hyasya kāmyā stoma ukthaṃ ca śaṃsyā .
indrāya somapītaye ..6..

indrehi matsyandhaso viśvebhiḥ somaparvabhiḥ .
mahāmabhiṣṭirojasā ..7..

emenaṃ sṛjatā sute mandimindrāya mandine .
cakriṃ viśvāni cakraye ..8..

matsvā suśipra mandibhi stomebhirviśvacarṣaṇe .
sacaiṣu savaneṣvā ..9..

asṛgramindra te giraḥ prati tvāmudahāsata .
ajoṣā vṛṣabhaṃ patim ..10..

saṃ codaya citramarvāgrādha indra vareṇyam .
asaditte vibhu prabhu ..11..

asmāntsu tatra codayendra rāye rabhasvataḥ .
tuvidyumna yaśasvataḥ ..12..

saṃ gomadindra vājavadasme pṛthu śravo bṛhat.
viśvāyurdhehyakṣitam ..13..

asme dhehi śravo bṛhaddyumnaṃ sahasrasātamam .
indra tā rathinīriṣaḥ ..14..

vasorindraṃ vasupatiṃ gīrbhirgṛṇanta ṛgmiyam .
homa gantāramūtaye ..15..

sutesute nyokase bṛhadbṛhata edariḥ .
indrāya śūṣamarcati ..16..