Atharvaveda 20.76: sūktaṃ 20.076
Atharvaveda 20.76
- Language
- Sanskrit
sūktaṃ 20.076
20.76.1
vane na vā yo nyadhāyi cākraṃ chucirvāṃ stomo bhuraṇāvajīgaḥ .
yasyedindraḥ purudineṣu hotā nṛṇāṃ narvo nṛtamaḥ kṣapāvān ..1..
20.76.2
pra te asyā uṣasaḥ prāparasyā nṛtau syāma nṛtamasya nṛṇām .
anu triśokaḥ śatamāvahan nṝn kutsena ratho yo asatsasavān ..2..
20.76.3
kaste mada indra rantyo bhūdduro giro abhyugro vi dhāva .
kadvāho arvāgupa mā manīṣā ā tvā śakyāmupamaṃ rādho annaiḥ ..3..
20.76.4
kadu dyumnamindra tvāvato nṝn kayā dhiyā karase kan na āgan .
mitro na satya urugāya bhṛtyā anne samasya yadasan manīṣāḥ ..4..
20.76.5
preraya sūro arthaṃ na pāraṃ ye asya kāmaṃ janidhā iva gman .
giraśca ye te tuvijāta pūrvīrnara indra pratiśikṣantyannaiḥ ..5..
20.76.6
mātre nu te sumite indra pūrvī dyaurmajmanā pṛthivī kāvyena .
varāya te ghṛtavantaḥ sutāsaḥ svādnan bhavantu pītaye madhūni ..6..
20.76.7
ā madhvo asmā asicann amatramindrāya pūrṇaṃ sa hi satyarādhāḥ .
sa vāvṛdhe varimann ā pṛthivyā abhi kratvā naryaḥ pauṃsyaiśca ..7..
20.76.8
vyānaḻ indraḥ pṛtanāḥ svojā āsmai yatante sakhyāya pūrvīḥ .
ā smā rathaṃ na pṛtanāsu tiṣṭha yaṃ bhadrayā sumatyā codayāse ..8..