Atharvaveda 20.87: sūktaṃ 20.087
Atharvaveda 20.87
- Language
- Sanskrit
sūktaṃ 20.087
20.87.1
adhvaryavo'ruṇaṃ dugdhamaṃśuṃ juhotana vṛṣabhāya kṣitīnām .
gaurādvedīyāmavapānamindro viśvāhedyāti sutasomamicchan ..1..
20.87.2
yaddadhiṣe pradivi cārvannaṃ divedive pītimidasya vakṣi .
uta hṛdota manasā juṣāṇa uśann indra prasthitān pāhi somān ..2..
20.87.3
jajñānaḥ somaṃ sahase papātha pra te mātā mahimānamuvāca .
endra paprāthorvantarikṣaṃ yudhā devebhyo varivaścakartha ..3..
20.87.4
yadyodhayā mahato manyamānān sākṣāma tān bāhubhiḥ śāśadānān .
yadvā nṛbhirvṛta indrābhiyudhyāstaṃ tvayājiṃ sauśravasaṃ jayema ..4..
20.87.5
prendrasya vocaṃ prathamā kṛtāni pra nūtanā maghavā yā cakāra .
yadedadevīrasahiṣṭa māyā athābhavatkevalaḥ somo asya ..5..
20.87.6
tavedaṃ viśvamabhitaḥ paśavyaṃ yatpaśyasi cakṣasā sūryasya .
gavāmasi gopatireka indra bhakṣīmahi te prayatasya vasvaḥ ..6..
20.87.7
bṛhaspate yuvamindraśca vasvo divyasyeśāthe uta pārthivasya .
dhattaṃ rayiṃ stuvate kīraye cidyūyaṃ pāta svastibhiḥ sadā naḥ ..7..