Atharvaveda 20.91: sūktaṃ 20.091

Atharvaveda 20.91

imāṃ dhiyaṃ saptaśīrṣṇīṃ pitā na ṛtaprajātāṃ bṛhatīmavindat.
turīyaṃ svijjanayadviśvajanyo'yāsya ukthamindrāya śaṃsan ..1..

ṛtaṃ śaṃsanta ṛju dīdhyānā divasputrāso asurasya vīrāḥ .
vipraṃ padamaṅgiraso dadhānā yajñasya dhāma prathamaṃ mananta ..2..

haṃsairiva sakhibhirvāvadadbhiraśmanmayāni nahanā vyasyan .
bṛhaspatirabhikanikradadgā uta prāstauducca vidvāmagāyat..3..

avo dvābhyāṃ para ekayā gā guhā tiṣṭhantīranṛtasya setau .
bṛhaspatistamasi jyotiricchan udusrā ākarvi hi tisra āvaḥ ..4..

vibhidyā puraṃ śayathemapācīṃ nistrīṇi sākamudadherakṛntat.
bṛhaspatiruṣasaṃ sūryaṃ gāmarkaṃ viveda stanayann iva dyauḥ ..5..

indro valaṃ rakṣitāraṃ dughānāṃ kareṇeva vi cakartā raveṇa .
svedāñjibhirāśiramicchamāno'rodayatpaṇimā gā amuṣṇāt..6..

sa īṃ satyebhiḥ sakhibhiḥ śucadbhirgodhāyasaṃ vi dhanasairadardaḥ .
brahmaṇaspatirvṛṣabhirvarāhairgharmasvedebhirdraviṇaṃ vyānaṭ..7..

te satyena manasā gopatiṃ gā iyānāsa iṣaṇayanta dhībhiḥ .
bṛhaspatirmithoavadyapebhirudusriyā asṛjata svayugbhiḥ ..8..

taṃ vardhayanto matibhiḥ śivābhiḥ siṃhamiva nānadataṃ sadhasthe .
bṛhaspatiṃ vṛṣaṇaṃ śūrasātau bharebhare anu madema jiṣṇum ..9..

yadā vājamasanadviśvarūpamā dyāmarukṣaduttarāṇi sadma .
bṛhaspatiṃ vṛṣaṇaṃ vardhayanto nānā santo bibhrato jyotirāsā ..10..

satyamāśiṣaṃ kṛṇutā vayodhai kīriṃ ciddhyavatha svebhirevaiḥ .
paścā mṛdho apa bhavantu viśvāstadrodasī śṛṇutaṃ viśvaminve ..11..

indro mahnā mahato arṇavasya vi mūrdhānamabhinadarbudasya .
ahann ahimariṇātsapta sindhūn devairdyāvāpṛthivī prāvataṃ naḥ ..12..

Linked texts (2)