Pramāṇa · Search · About · API

Atharvaveda 20.95: sūktaṃ 20.095

Atharvaveda 20.95

Language
Sanskrit

sūktaṃ 20.095

20.95.1

trikadrukeṣu mahiṣo yavāśiraṃ tuviśuṣmastṛpatsomamapibadviṣṇunā sutaṃ yathāvaśat.
sa īṃ mamāda mahi karma kartave mahāmuruṃ sainaṃ saścaddevo devaṃ satyamindraṃ satya induḥ ..1..

20.95.2

pro ṣvasmai purorathamindrāya śūṣamarcata .
abhīke cidu lokakṛtsaṃge samatsu vṛtrahāsmākaṃ bodhi coditā nabhantāmanyakeṣāṃ jyākā adhi dhanvasu ..2..

20.95.3

tvaṃ sindhūṃravāsṛjo'dharāco ahann ahim .
aśatrurindra jajñiṣe viśvaṃ puṣyasi vāryaṃ taṃ tvā pari ṣvajāmahe nabhantāmanyakeṣāṃ jyākā adhi dhanvasu ..3..

20.95.4

vi ṣu viśvā arātayo'ryo naśanta no dhiyaḥ .
astāsi śatrave vadhaṃ yo na indra jighāṃsati yā te rātirdadirvasu .
nabhantāmanyakeṣāṃ jyakā adhi dhanvasu ..4..

Linked texts (2)