Atharvaveda 23: kāṇḍaṃ 1

Atharvaveda 23

Language: Sanskrit

kāṇḍaṃ 1

23.1

1,1
ye triṣaptāḥ pariyanti viśvā rūpāṇi bibhrataḥ .
vācaspatirbalā teṣāṃ tanvo adya dadhātu me ..1..

23.2

punarehi vacaspate devena manasā saha .
vasoṣpate ni ramaya mayyevāstu mayi śrutam ..2..

23.3

ihaivābhi vi tanūbhe ārtnī iva jyayā .
vācaspatirni yacchatu mayyevāstu mayi śrutam ..3..

23.4

upahūto vācaspatirupāsmān vācaspatirhvayatām .
saṃ śrutena gamemahi mā śrutena vi rādhiṣi ..4..

23.4_1

1.2
vidmā śarasya pitaraṃ parjanyaṃ bhūridhāyasam .
vidmo ṣvasya mātaraṃ pṛthivīṃ bhūrivarpasam ..1..

23.4_2

jyāke pari ṇo namāśmānaṃ tanvaṃ kṛdhi .
vīḍurvarīyo'rātīrapa dveṣāṃsyā kṛdhi ..2..

23.4_3

vṛkṣaṃ yadgāvaḥ pariṣasvajānā anusphuraṃ śaramarcantyṛbhum .
śarumasmadyāvaya didyumindra ..3..

23.4_4

yathā dyāṃ ca pṛthivīṃ cāntastiṣṭhati tejanam .
evā rogaṃ cāsrāvaṃ cāntastiṣṭhatu muñja it..4..

23.4_5

1.3
vidmā śarasya pitaraṃ parjanyaṃ śatavṛṣṇyam .
tenā te tanve śaṃ karaṃ pṛthivyāṃ te niṣecanaṃ bahiṣṭe astu bāliti ..1..

23.4_6

vidmā śarasya pitaraṃ mitraṃ śatavṛṣṇyam .
tenā te tanve śaṃ karaṃ pṛthivyāṃ te niṣecanaṃ bahiṣṭe astu bāliti ..2..

23.4_7

vidmā śarasya pitaraṃ varuṇaṃ śatavṛṣṇyam .
tenā te tanve śaṃ karaṃ pṛthivyāṃ te niṣecanaṃ bahiṣṭe astu bāliti ..3..

23.4_8

vidmā śarasya pitaraṃ candraṃ śatavṛṣṇyam .
tenā te tanve śaṃ karaṃ pṛthivyāṃ te niṣecanaṃ bahiṣṭe astu bāliti ..4..

23.5

vidmā śarasya pitaraṃ sūryaṃ śatavṛṣṇyam .
tenā te tanve śaṃ karaṃ pṛthivyāṃ te niṣecanaṃ bahiṣṭe astu bāliti ..5..

23.6

yadāntreṣu gavīnyoryadvastāvadhi saṃśritam .
evā te mūtraṃ mucyatāṃ bahirbāliti sarvakam ..6..

23.7

pra te bhinadmi mehanaṃ vartraṃ veśantyā iva .
evā te mūtraṃ mucyatāṃ bahirbāliti sarvakam ..7..

23.8

viṣitaṃ te vastibilaṃ samudrasyodadheriva .
evā te mūtraṃ mucyatāṃ bahirbāliti sarvakam ..8..

23.9

yatheṣukā parāpatadavasṛṣṭādhi dhanvanaḥ .
evā te mūtraṃ mucyatāṃ bahirbāliti sarvakam ..9..

23.9_9

1.4
ambayo yantyadhvabhirjāmayo adhvarīyatām .
pṛñcatīrmadhunā payaḥ ..1..

23.9_10

amūryā upa sūrye yābhirvā sūryaḥ saha .
tā no hinvantvadhvaram ..2..

23.9_11

apo devīrupa hvaye yatra gāvaḥ pibanti naḥ .
sindhubhyaḥ kartvaṃ haviḥ ..3..

23.9_12

apsvantaramṛtamapsu bheṣajam .
apāmuta praśastibhiraśvā bhavatha vājino gāvo bhavatha vājinīḥ ..4..

23.9_13

1.5
āpo hi ṣṭhā mayobhuvastā na ūrje dadhātana .
mahe raṇāya cakṣase ..1..

23.9_14

yo vaḥ śivatamo rasastasya bhājayateha naḥ .
uśatīriva mātaraḥ ..2..

23.9_15

tasmā araṃ gamāma vo yasya kṣayāya jinvatha .
āpo janayathā ca naḥ ..3..

23.9_16

īśānā vāryāṇāṃ kṣayantīścarṣaṇīnām .
apo yācāmi bheṣajam ..4..

23.9_17

1.6
śaṃ no devīrabhiṣṭaya āpo bhavantu pītaye .
śaṃ yorabhi sravantu naḥ ..1..

23.9_18

apsu me somo abravīdantarviśvāni bheṣajā .
agniṃ ca viśvaśaṃbhuvam ..2..

23.9_19

āpaḥ pṛṇīta bheṣajaṃ varūthaṃ tanve mama .
jyokca sūryaṃ dṛśe ..3..

23.9_20

śaṃ na āpo dhanvanyāḥ śamu santvanūpyāḥ .
śaṃ naḥ khanitrimā āpaḥ śamu yāḥ kumbha ābhṛtāḥ .
śivā naḥ santu vārṣikīḥ ..4..

23.9_21

1.7
stuvānamagna ā vaha yātudhānaṃ kimīdinam .
tvaṃ hi deva vandito hantā dasyorbabhūvitha ..1..

23.9_22

ājyasya parameṣṭhin jātavedastanūvaśin .
agne taulasya prāśāna yātudhānān vi lāpaya ..2..

23.9_23

vi lapantu yātudhānā attriṇo ye kimīdinaḥ .
athedamagne no havirindraśca prati haryatam ..3..

23.9_24

agniḥ pūrva ā rabhatāṃ prendro nudatu bāhumān .
bravītu sarvo yātumān ayamasmītyetya ..4..

23.9_25

paśyāma te vīryaṃ jātavedaḥ pra ṇo brūhi yātudhānān nṛcakṣaḥ .
tvayā sarve paritaptāḥ purastātta ā yantu prabruvāṇā upedam ..5..

23.9_26

ā rabhasva jātavedo'smākārthāya jajñiṣe .
dūto no agne bhūtvā yātudhānān vi lāpaya ..6..

23.9_27

tvamagne yātudhānān upabaddhāmihā vaha .
athaiṣāmindro vajreṇāpi śīrṣāṇi vṛścatu ..7..

23.9_28

1.8
idaṃ haviryātudhānān nadī phenamivā vahat.
ya idaṃ strī pumān akariha sa stuvatāṃ janaḥ ..1..

23.9_29

ayaṃ stuvāna āgamadimaṃ sma prati haryata .
bṛhaspate vaśe labdhvāgnīṣomā vi vidhyatam ..2..

23.9_30

yātudhānasya somapa jahi prajāṃ nayasva ca .
ni stuvānasya pātaya paramakṣyutāvaram ..3..

23.9_31

yatraiṣāmagne janimāni vettha guhā satāmattriṇāṃ jātavedaḥ .
tāṃstvaṃ brahmaṇā vāvṛdhāno jahyeṣāṃ śatatarhamagne ..4..

23.9_32

1.9
asmin vasu vasavo dhārayantvindraḥ pūṣā varuṇo mitro agniḥ .
imamādityā uta viśve ca devā uttarasmin jyotiṣi dhārayantu ..1..

23.9_33

asya devāḥ pradiśi jyotirastu sūryo agniruta vā hiraṇyam .
sapatnā asmadadhare bhavantūttamaṃ nākamadhi rohayemam ..2..

23.9_34

yenendrāya samabharaḥ payāṃsyuttamena brahmaṇā jātavedaḥ .
tena tvamagna iha vardhayemaṃ sajātānāṃ śraiṣṭhya ā dhehyenam ..3..

23.9_35

aiṣāṃ yajñamuta varco dade'haṃ rāyaspoṣamuta cittānyagne .
sapatnā asmadadhare bhavantūttamaṃ nākamadhi rohayemam ..4..

23.9_36

1.10
ayaṃ devānāmasuro vi rājati vaśā hi satyā varuṇasya rājñaḥ .
tataspari brahmaṇā śāśadāna ugrasya manyorudimaṃ nayāmi ..1..

23.9_37

namaste rajan varuṇāstu manyave viśvaṃ hyugra nicikeṣi drugdham .
sahasramanyān pra suvāmi sākaṃ śataṃ jīvāti śaradastavāyam ..2..

23.9_38

yaduvakthānṛtaṃ jihvayā vṛjinaṃ bahu .
rājñastvā satyadharmaṇo muñcāmi varuṇādaham ..3..

23.9_39

muñcāmi tvā vaiśvānarādarṇavān mahataspari .
sajātān ugrehā vada brahma cāpa cikīhi naḥ ..4..

23.9_40

1.11
vaṣaṭte pūṣann asmintsūtāvaryamā hotā kṛṇotu vedhāḥ .
sisratāṃ nāryṛtaprajātā vi parvāṇi jihatāṃ sūtavā u ..1..

23.9_41

catasro divaḥ pradiśaścatasro bhūmyā uta .
devā garbhaṃ samairayan taṃ vyūrṇuvantu sūtave ..2..

23.9_42

sūṣā vyūrṇotu vi yoniṃ hāpayāmasi .
śrathayā sūṣaṇe tvamava tvaṃ biṣkale sṛja ..3..

23.9_43

neva māṃse na pīvasi neva majjasvāhatam .
avaitu pṛśni śevalaṃ śune jarāyvattave'va jarāyu padyatām ..4..

23.9_44

vi te bhinadmi mehanaṃ vi yoniṃ vi gavīnike .
vi mātaraṃ ca putraṃ ca vi kumāraṃ jarāyuṇāva jarāyu padyatām ..5..

23.9_45

yathā vāto yathā mano yathā patanti pakṣiṇaḥ .
evā tvaṃ daśamāsya sākaṃ jarāyuṇā patāva jarāyu padyatām ..6..

23.9_46

1.12
jarāyujaḥ prathama usriyo vṛṣā vātābhrajā stanayann eti vṛṣṭyā .
sa no mṛḍāti tanva ṛjugo rujan ya ekamojastredhā vicakrame ..1..

23.9_47

aṅgeaṅge śociṣā śiśriyāṇaṃ namasyantastvā haviṣā vidhema .
aṅkāntsamaṅkān haviṣā vidhema yo agrabhītparvāsyā grabhītā ..2..

23.9_48

muñca śīrṣaktyā uta kāsa enaṃ paruṣparurāviveśā yo asya .
yo abhrajā vātajā yaśca śuṣmo vanaspatīntsacatāṃ parvatāṃśca ..3..

23.9_49

śaṃ me parasmai gātrāya śamastvavarāya me .
śaṃ me caturbhyo aṅgebhyaḥ śamastu tanve mama ..4..

23.9_50

1.13
namaste astu vidyute namaste stanayitnave .
namaste astvaśmane yenā dūḍāśe asyasi ..1..

23.9_51

namaste pravato napādyatastapaḥ samūhasi .
mṛḍayā nastanūbhyo mayastokebhyaskṛdhi ..2..

23.9_52

pravato napān nama evāstu tubhyaṃ namaste hetaye tapuṣe ca kṛṇmaḥ .
vidma te dhāma paramaṃ guhā yatsamudre antarnihitāsi nābhiḥ ..3..

23.9_53

yāṃ tvā devā asṛjanta viśva iṣuṃ kṛṇvānā asanāya dhṛṣṇum .
sā no mṛḍa vidathe gṛṇānā tasyai te namo astu devi ..4..

23.9_54

1.14
bhagamasyā varca ādiṣyadhi vṛkṣādiva srajam .
mahābudhna iva parvato jyokpitṛṣvāstām ..1..

23.9_55

eṣā te rājan kanyā vadhūrni dhūyatāṃ yama .
sā māturbadhyatāṃ gṛhe'tho bhrāturatho pituḥ ..2..

23.9_56

eṣā te kulapā rājan tāmu te pari dadmasi .
jyokpitṛṣvāsātā ā śīrṣṇaḥ śamopyāt..3..

23.9_57

asitasya te brahmaṇā kaśyapasya gayasya ca .
antaḥkośamiva jāmayo'pi nahyāmi te bhagam ..4 ..

23.9_58

1.15
saṃ saṃ sravantu sindhavaḥ saṃ vātāḥ saṃ patatriṇaḥ .
imaṃ yajñaṃ pradivo me juṣantāṃ saṃsrāvyeṇa haviṣā juhomi ..1..

23.9_59

ihaiva havamā yāta ma iha saṃsrāvaṇā utemaṃ vardhayatā giraḥ .
ihaitu sarvo yaḥ paśurasmin tiṣṭhatu yā rayiḥ ..2..

23.9_60

ye nadīnāṃ saṃsravantyutsāsaḥ sadamakṣitāḥ .
tebhirme sarvaiḥ saṃsrāvairdhanaṃ saṃ srāvayāmasi ..3..

23.9_61

ye sarpiṣaḥ saṃsravanti kṣīrasya codakasya ca
tebhirme sarvaiḥ saṃsrāvairdhanaṃ saṃ srāvayāmasi ..4..

23.9_62

1.16
ye'māvāsyāṃ rātrimudasthurvrājamattriṇaḥ .
agnisturīyo yātuhā so asmabhyamadhi bravat..1..

23.9_63

sīsāyādhyāha varuṇaḥ sīsāyāgnirupāvati .
sīsaṃ ma indraḥ prāyacchattadaṅga yātucātanam ..2..

23.9_64

idaṃ viṣkandhaṃ sahata idaṃ bādhate attriṇaḥ .
anena viśvā sasahe yā jātāni piśācyāḥ ..3..

23.9_65

yadi no gāṃ haṃsi yadyaśvaṃ yadi pūruṣam .
taṃ tvā sīsena vidhyāmo yathā no'so avīrahā ..4..

23.9_66

1.17
amūryā yanti yoṣito hirā lohitavāsasaḥ .
abhrātara iva jāmayastiṣṭhantu hatavarcasaḥ ..1..

23.9_67

tiṣṭhāvare tiṣṭha para uta tvaṃ tiṣṭha madhyame .
kaniṣṭhikā ca tiṣṭhati tiṣṭhādiddhamanirmahī ..2..

23.9_68

śatasya dhamanīnāṃ sahasrasya hirāṇām .
asthurin madhyamā imāḥ sākamantā araṃsata ..3..

23.9_69

pari vaḥ sikatāvatī dhanūrbṛhatyakramīt.
tiṣṭhatelayatā su kam ..4..

23.9_70

1.18
nirlakṣmyaṃ lalāmyaṃ nirarātiṃ suvāmasi .
atha yā bhadrā tāni naḥ prajāyā arātiṃ nayāmasi ..1..

23.9_71

niraraṇiṃ savitā sāviṣakpadornirhastayorvaruṇo mitro aryamā .
nirasmabhyamanumatī rarāṇā premāṃ devā asāviṣuḥ saubhagāya ..2..

23.9_72

yatta ātmani tanvāṃ ghoramasti yadvā keśeṣu praticakṣaṇe vā .
sarvaṃ tadvācāpa hanmo vayaṃ devastvā savitā sūdayatu ..3..

23.9_73

riśyapadīṃ vṛṣadatīṃ goṣedhāṃ vidhamāmuta .
vilīḍhyaṃ lalāmyaṃ tā asman nāśayāmasi ..4..

23.9_74

1.19
mā no vidan vivyādhino mo abhivyādhino vidan .
ārāccharavyā asmadviṣūcīrindra pātaya ..1..

23.9_75

viṣvañco asmaccharavaḥ patantu ye astā ye cāsyāḥ .
daivīrmanuṣyesavo mamāmitrān vi vidhyata ..2..

23.9_76

yo naḥ svo yo araṇaḥ sajāta uta niṣṭyo yo asmāmabhidāsati .
rudraḥ śaravyayaitān mamāmitrān vi vidhyatu ..3..

23.9_77

yaḥ sapatno yo'sapatno yaśca dviṣan chapāti naḥ .
devāstaṃ sarve dhūrvantu brahma varma mamāntaram ..4..

23.9_78

1.20
adārasṛdbhavatu deva somāsmin yajñe maruto mṛḍatā naḥ .
mā no vidadabhibhā mo aśastirmā no vidadvṛjinā dveṣyā yā ..1..

23.9_79

yo adya senyo vadho'ghāyūnāmudīrate .
yuvaṃ taṃ mitrāvaruṇāvasmadyāvayataṃ pari ..2..

23.9_80

itaśca yadamutaśca yadvadhaṃ varuṇa yāvaya .
vi mahaccharma yaccha varīyo yāvayā vadham ..3..

23.9_81

śāsa itthā mahāmasyamitrasāho astṛtaḥ .
na yasya hanyate sakhā na jīyate kadā cana ..4..

23.9_82

1.21
svastidā viśāṃ patirvṛtrahā vimṛdho vaśī .
vṛṣendraḥ pura etu naḥ somapā abhayaṃkaraḥ ..1..

23.9_83

vi na indra mṛdho jahi nīcā yaccha pṛtanyataḥ .
adhamaṃ gamayā tamo yo asmāmabhidāsati ..2..

23.9_84

vi rakṣo vi mṛdho jahi vi vṛtrasya hanū ruja .
vi manyumindra vṛtrahann amitrasyābhidāsataḥ ..3..

23.9_85

apendra dviṣato mano'pa jijyāsato vadham .
vi mahaccharma yaccha varīyo yāvayā vadham ..4..

23.9_86

1.22
anu sūryamudayatāṃ hṛddyoto harimā ca te .
go rohitasya varṇena tena tvā pari dadhmasi ..1..

23.9_87

pari tvā rohitairvarṇairdīrghāyutvāya dadhmasi .
yathāyamarapā asadatho aharito bhuvat..2..

23.9_88

yā rohiṇīrdevatyā gāvo yā uta rohiṇīḥ .
rūpaṃrūpaṃ vayovayastābhiṣṭvā pari dadhmasi ..3..

23.9_89

śukeṣu te harimāṇaṃ ropaṇākāsu dadhmasi .
atho hāridraveṣu te harimāṇaṃ ni dadhmasi ..4..

23.9_90

1.23
naktaṃjātāsi oṣadhe rāme kṛṣṇe asikni ca .
idaṃ rajani rajaya kilāsaṃ palitaṃ ca yat..1..

23.9_91

kilāsaṃ ca palitaṃ ca nirito nāśayā pṛṣat.
ā tvā svo viśatāṃ varṇaḥ parā śuklāni pātaya ..2..

23.9_92

asitaṃ te pralayanamāsthānamasitaṃ tava .
asiknī asyoṣadhe nirito nāśayā pṛṣat..3..

23.9_93

asthijasya kilāsasya tanūjasya ca yattvaci .
dūṣyā kṛtasya brahmaṇā lakṣma śvetamanīnaśam ..4..

23.9_94

1.24
suparṇo jātaḥ prathamastasya tvaṃ pittamāsitha .
tadāsurī yudhā jitā rūpaṃ cakre vanaspatīn ..1..

23.9_95

āsurī cakre prathamedaṃ kilāsabheṣajamidaṃ kilāsanāśanam .
anīnaśatkilāsaṃ sarūpāmakarattvacam ..2..

23.9_96

sarūpā nāma te mātā sarūpo nāma te pitā .
sarūpakṛttvamoṣadhe sā sarūpamidaṃ kṛdhi ..3..

23.9_97

śyāmā sarūpaṃkaraṇī pṛthivyā adhyudbhṛtā .
idamū ṣu pra sādhaya punā rūpāṇi kalpaya ..4..

23.9_98

1.25
yadagnirāpo adahatpraviśya yatrākṛṇvan dharmadhṛto namāṃsi .
tatra ta āhuḥ paramaṃ janitraṃ sa naḥ saṃvidvān pari vṛṅgdhi takman ..1..

23.9_99

yadyarciryadi vāsi śociḥ śakalyeṣi yadi vā te janitram .
hrūḍurnāmāsi haritasya deva sa naḥ saṃvidvān pari vṛṅgdhi takman ..2..

23.9_100

yadi śoko yadi vābhiśoko yadi vā rājño varuṇasyāsi putraḥ .
hrūḍurnāmāsi haritasya deva sa naḥ saṃvidvān pari vṛṅgdhi takman ..3..

23.9_101

namaḥ śītāya takmane namo rūrāya śociṣe kṛṇomi .
yo anyedyurubhayadyurabhyeti tṛtīyakāya namo astu takmane ..4..

23.9_102

1.26
āre'sāvasmadastu hetirdevāso asat.
āre aśmā yamasyatha ..1..

23.9_103

sakhāsāvasmabhyamastu rātiḥ sakhendro bhagaḥ .
savitā citrarādhāḥ ..2..

23.9_104

yūyaṃ naḥ pravato napān marutaḥ sūryatvacasaḥ .
śarma yacchatha saprathāḥ ..3..

23.9_105

suṣūdata mṛḍata mṛḍayā nastanūbhyo .
mayastokebhyaskṛdhi ..4..

23.9_106

1.27
amūḥ pāre pṛdākvastriṣaptā nirjarāyavaḥ .
tāsāṃ jarāyubhirvayamakṣyāvapi vyayāmasyaghāyoḥ paripanthinaḥ ..1..

23.9_107

viṣūcyetu kṛntatī pinākamiva bibhratī .
viṣvakpunarbhuvā mano'samṛddhā aghāyavaḥ ..2..

23.9_108

na bahavaḥ samaśakan nārbhakā abhi dādhṛṣuḥ .
veṇoradgā ivābhito'samṛddhā aghāyavaḥ ..3..

23.9_109

pretaṃ pādau pra sphurataṃ vahataṃ pṛṇato gṛhān .
indrānyetu prathamājītāmuṣitā puraḥ ..4..

23.9_110

1.28
upa prāgāddevo agnī rakṣohāmīvacātanaḥ .
dahann apa dvayāvino yātudhānān kimīdinaḥ ..1..

23.9_111

prati daha yātudhānān prati deva kimīdinaḥ .
pratīcīḥ kṛṣṇavartane saṃ daha yātudhānyaḥ ..2..

23.9_112

yā śaśāpa śapanena yāghaṃ mūramādadhe .
yā rasasya haraṇāya jātamārebhe tokamattu sā ..3..

23.9_113

putramattu yātudhānīḥ svasāramuta naptyam .
adhā mitho vikeśyo vi ghnatāṃ yātudhānyo vi tṛhyantāmarāyyaḥ ..4..

23.9_114

1.29
abhīvartena maṇinā yenendro abhivavṛdhe .
tenāsmān brahmaṇaspate'bhi rāṣṭrāya vardhaya ..1..

23.9_115

abhivṛtya sapatnān abhi yā no arātayaḥ .
abhi pṛtanyantaṃ tiṣṭhābhi yo no durasyati ..2..

23.9_116

abhi tvā devaḥ savitābhi ṣomo avīvṛdhat.
abhi tvā viśvā bhūtānyabhīvarto yathāsasi ..3..

23.9_117

abhīvarto abhibhavaḥ sapatnakṣayaṇo maṇiḥ .
rāṣṭrāya mahyaṃ badhyatāṃ sapatnebhyaḥ parābhuve ..4..

23.9_118

udasau sūryo agādudidaṃ māmakaṃ vacaḥ .
yathāhaṃ śatruho'sānyasapatnaḥ sapatnahā ..5..

23.9_119

sapatnakṣayaṇo vṛṣābhiraṣṭro viṣāsahiḥ .
yathāhameṣāṃ vīrāṇāṃ virājāni janasya ca ..6..

23.9_120

1.30
viśve devā vasavo rakṣatemamutādityā jāgṛta yūyamasmin .
memaṃ sanābhiruta vānyanābhirmemaṃ prāpatpauruṣeyo vadho yaḥ ..1..

23.9_121

ye vo devāḥ pitaro ye ca putrāḥ sacetaso me śṛṇutedamuktam .
sarvebhyo vaḥ pari dadāmyetaṃ svastyenaṃ jarase vahātha ..2..

23.9_122

ye devā divi ṣṭha ye pṛthivyāṃ ye antarikṣa oṣadhīṣu paśuṣvapsvantaḥ .
te kṛṇuta jarasamāyurasmai śatamanyān pari vṛṇaktu mṛtyūn ..3..

23.9_123

yeṣāṃ prayājā uta vānuyājā hutabhāgā ahutādaśca devāḥ .
yeṣāṃ vaḥ pañca pradiśo vibhaktāstān vo asmai satrasadaḥ kṛṇomi ..4..

23.9_124

1.31
āśānāmāśāpālebhyaścaturbhyo amṛtebhyaḥ .
idaṃ bhūtasyādhyakṣebhyo vidhema haviṣā vayam ..1..

23.9_125

ya āśānāmāśāpālāścatvāra sthana devāḥ .
te no nirṛtyāḥ pāśebhyo muñcatāṃhasoaṃhasaḥ ..2..

23.9_126

asrāmastvā haviṣā yajāmyaśloṇastvā ghṛtena juhomi .
ya āśānāmāśāpālasturīyo devaḥ sa naḥ subhūtameha vakṣat..3..

23.9_127

svasti mātra uta pitre no astu svasti gobhyo jagate puruṣebhyaḥ .
viśvaṃ subhūtaṃ suvidatraṃ no astu jyogeva dṛśema sūryam ..4..

23.9_128

1.32
idaṃ janāso vidatha mahadbrahma vadiṣyati .
na tatpṛthivyāṃ no divi yena prāṇanti vīrudhaḥ ..1..

23.9_129

antarikṣa āsāṃ sthāma śrāntasadāmiva .
āsthānamasya bhūtasya viduṣṭadvedhaso na vā ..2..

23.9_130

yadrodasī rejamāne bhūmiśca niratakṣatam .
ārdraṃ tadadya sarvadā samudrasyeva śrotyāḥ ..3..

23.9_131

viśvamanyāmabhīvāra tadanyasyāmadhi śritam .
dive ca viśvavedase pṛthivyai cākaraṃ namaḥ ..4..

23.9_132

1.33
hiraṇyavarṇāḥ śucayaḥ pāvakā yāsu jātaḥ savitā yāsvagniḥ .
yā agniṃ garbhaṃ dadhire suvarṇāstā na āpaḥ śaṃ syonā bhavantu ..1..

23.9_133

yāsāṃ rājā varuṇo yāti madhye satyānṛte avapaśyan janānām .
yā agniṃ garbhaṃ dadhire suvarṇāstā na āpaḥ śaṃ syonā bhavantu ..2..

23.9_134

yāsāṃ devā divi kṛṇvanti bhakṣaṃ yā antarikṣe bahudhā bhavanti .
yā agniṃ garbhaṃ dadhire suvarṇāstā na āpaḥ śaṃ syonā bhavantu ..3..

23.9_135

śivena mā cakṣuṣā paśyatāpaḥ śivayā tanvopa spṛśata tvacaṃ me .
ghṛtaścutaḥ śucayo yāḥ pāvakāstā na āpaḥ śaṃ syonā bhavantu ..4..

23.9_136

1.34
iyaṃ vīrun madhujātā madhunā tvā khanāmasi .
madhoradhi prajātāsi sā no madhumataskṛdhi ..1..

23.9_137

jihvāyā agre madhu me jihvāmūle madhūlakam .
mamedaha kratāvaso mama cittamupāyasi ..2..

23.9_138

madhuman me nikramaṇaṃ madhuman me parāyaṇam .
vācā vadāmi madhumadbhūyāsaṃ madhusaṃdṛśaḥ ..3..

23.9_139

madhorasmi madhutaro madughān madhumattaraḥ .
māmitkila tvaṃ vanāḥ śākhāṃ madhumatīmiva ..4..

23.9_140

pari tvā paritatnunekṣuṇāgāmavidviṣe .
yathā māṃ kaminyaso yathā man nāpagā asaḥ ..5..

23.9_141

1.35
yadābadhnan dākṣāyaṇā hiraṇyaṃ śatānīkāya sumanasyamānāḥ .
tatte badnāmyāyuṣe varcase balāya dīrghāyutvāya śataśāradāya ..1..

23.9_142

nainaṃ rakṣāṃsi na piśācāḥ sahante devānāmojaḥ prathamajaṃ hyetat.
yo bibharti dākṣāyaṇaṃ hiraṇyaṃ sa jīveṣu kṛṇute dīrghamāyuḥ ..2..

23.9_143

apāṃ tejo jyotirojo balaṃ ca vanaspatīnāmuta vīryāṇi .
indra ivendriyāṇyadhi dhārayāmo asmin taddakṣamāṇo bibharaddhiraṇyam ..3..

23.9_144

samānāṃ māsāmṛtubhiṣṭvā vayaṃ saṃvatsarasya payasā piparmi .
indrāgnī viśve devāste'nu manyantāmahṛṇīyamānāḥ ..4..

sūktaṃ 1.01

1.36.1

ye triṣaptāḥ pariyanti viśvā rūpāṇi bibhrataḥ .
vācaspatirbalā teṣāṃ tanvo adya dadhātu me ..1..

1.36.2

punarehi vacaspate devena manasā saha .
vasoṣpate ni ramaya mayyevāstu mayi śrutam ..2..

1.36.3

ihaivābhi vi tanūbhe ārtnī iva jyayā .
vācaspatirni yacchatu mayyevāstu mayi śrutam ..3..

1.36.4

upahūto vācaspatirupāsmān vācaspatirhvayatām .
saṃ śrutena gamemahi mā śrutena vi rādhiṣi ..4..

sodakrāmatsāsurān āgacchattāmasurā upāhvayanta māya ehīti .
tasyā virocanaḥ prāhrādirvatsa āsīdayaspātraṃ pātram .
tāṃ dvimūrdhārtvyo'dhoktāṃ māyāmevādhok..
tāṃ māyāmasurā upa jīvantyupajīvanīyo bhavati ya evaṃ veda ..22..

8.15.23

sodakrāmatsā pitṝn āgacchattāṃ pitara upāhvayanta svadha ehīti .
tasyā yamo rājā vatsa āsīdrajatapātraṃ pātram .
tāmantako mārtyavo'dhoktāṃ svadhāmevādhok.
tāṃ svadhāṃ pitara upa jīvantyupajīvanīyo bhavati ya evaṃ veda ..23..

8.15.24

sodakrāmatsā manuṣyān āgacchattāṃ manuṣyā upāhvayanterāvatyehīti .
tasyā manurvaivasvato vatsa āsītpṛthivī pātram .
tāṃ pṛthī vainyo'dhoktāṃ kṛṣiṃ ca sasyaṃ cādhok.
te svadhāṃ kṛṣiṃ ca sasyaṃ ca manuṣyā upa jīvanti kṛṣṭarādhirupajīvanīyo bhavati ya evaṃ veda ..24..

8.15.25

sodakrāmatsā saptaṛṣīn āgacchattāṃ saptaṛṣaya upāhvayanta brahmaṇvatyehīti .
tasyāḥ somo rājā vatsa āsīcchandaḥ pātram .
tāṃ bṛhaspatirāṅgiraso'dhoktāṃ brahma ca tapaścādhok.
tadbrahma ca tapaśca saptaṛṣaya upa jīvanti brahmavarcasyupajīvanīyo bhavati ya evaṃ veda ..25..

Linked texts (3)

Paippalādasaṃhitā — Sanskrit
Mantrapuṣpa — Sanskrit
Vaidikakośa (Haṃsarāja) — Haṃsarāja, Sanskrit