Pramāṇa · Search · About · API

Atharvaveda 3.23: sūktaṃ 3.23

Atharvaveda 3.23

Language
Sanskrit

sūktaṃ 3.23

3.23.1

yena vehadbabhūvitha nāśayāmasi tattvat.
idaṃ tadanyatra tvadapa dūre ni dadhmasi ..1..

3.23.2

ā te yoniṃ garbha etu pumān bāṇa iveṣudhim .
ā vīro'tra jāyatāṃ putraste daśamāsyaḥ ..2..

3.23.3

pumāṃsaṃ putraṃ janaya taṃ pumān anu jāyatām .
bhavāsi putrāṇāṃ mātā jātānāṃ janayāśca yān ..3..

3.23.4

yāni bhadrāṇi bījānyṛṣabhā janayanti ca .
taistvaṃ putraṃ vindasva sā prasūrdhenukā bhava ..4..

3.23.5

kṛṇomi te prājāpatyamā yoniṃ garbha etu te .
vindasva tvaṃ putraṃ nāri yastubhyaṃ śamasacchamu tasmai tvaṃ bhava ..5..

3.23.6

yāsāṃ dyauḥ pitā pṛthivī mātā samudro mūlaṃ vīrudhāṃ babhūva .
tāstvā putravidyāya daivīḥ prāvantvoṣadhayaḥ ..6..

Linked texts (1)