Pramāṇa · Search · About · API

Atharvaveda 3.27: sūktaṃ 3.27

Atharvaveda 3.27

Language
Sanskrit

sūktaṃ 3.27

3.27.1

prācī digagniradhipatirasito rakṣitādityā iṣavaḥ .
tebhyo namo'dhipatibhyo namo rakṣitṛbhyo nama iṣubhyo nama ebhyo astu .
yo'smān dveṣṭi yaṃ vayaṃ dviṣmastaṃ vo jambhe dadhmaḥ ..1..

3.27.2

dakṣiṇā digindro'dhipatistiraścirājī rakṣitā pitara iṣavaḥ .
tebhyo namo'dhipatibhyo namo rakṣitṛbhyo nama iṣubhyo nama ebhyo astu .
yo'smān dveṣṭi yaṃ vayaṃ dviṣmastaṃ vo jambhe dadhmaḥ ..2..

3.27.3

pratīcī digvaruṇo'dhipatiḥ pṛdākū rakṣitānnamiṣavaḥ .
tebhyo namo'dhipatibhyo namo rakṣitṛbhyo nama iṣubhyo nama ebhyo astu .
yo'smān dveṣṭi yaṃ vayaṃ dviṣmastaṃ vo jambhe dadhmaḥ ..3..

3.27.4

udīcī diksomo'dhipatiḥ svajo rakṣitāśaniriṣavaḥ .
tebhyo namo'dhipatibhyo namo rakṣitṛbhyo nama iṣubhyo nama ebhyo astu .
yo'smān dveṣṭi yaṃ vayaṃ dviṣmastaṃ vo jambhe dadhmaḥ ..4..

3.27.5

dhruvā digviṣṇuradhipatiḥ kalmāṣagrīvo rakṣitā vīrudha iṣavaḥ .
tebhyo namo'dhipatibhyo namo rakṣitṛbhyo nama iṣubhyo nama ebhyo astu .
yo'smān dveṣṭi yaṃ vayaṃ dviṣmastaṃ vo jambhe dadhmaḥ ..5..

3.27.6

ūrdhvā digbṛhaspatiradhipatiḥ śvitro rakṣitā varṣamiṣavaḥ .
tebhyo namo'dhipatibhyo namo rakṣitṛbhyo nama iṣubhyo nama ebhyo astu .
yo'smān dveṣṭi yaṃ vayaṃ dviṣmastaṃ vo jambhe dadhmaḥ ..6..

Linked texts (2)