Pramāṇa · Search · About · API

Atharvaveda 6.122: sūktaṃ 6.122

Atharvaveda 6.122

Language
Sanskrit

sūktaṃ 6.122

6.122.1

etaṃ bhāgaṃ pari dadāmi vidvān viśvakarman prathamajā ṛtasya .
asmābhirdattaṃ jarasaḥ parastādachinnaṃ tantumanu saṃ tarema ..1..

6.122.2

tataṃ tantumanveke taranti yeṣāṃ dattaṃ pitryamāyanena .
abandhveke dadataḥ prayacchanto dātuṃ cecchikṣāntsa svarga eva ..2..

6.122.3

anvārabhethāmanusaṃrabhethāmetaṃ lokaṃ śraddadhānāḥ sacante .
yadvāṃ pakvaṃ pariviṣṭamagnau tasya guptaye dampatī saṃ śrayethām ..3..

6.122.4

yajñaṃ yantaṃ manasā bṛhantamanvārohāmi tapasā sayoniḥ .
upahūtā agne jarasaḥ parastāttṛtīye nāke sadhamādaṃ madema ..4..

6.122.5

śuddhāḥ pūtā yoṣito yajñiyā imā brahmaṇāṃ hasteṣu prapṛthaksādayāmi .
yatkāma idamabhiṣiñcāmi vo'hamindro marutvāntsa dadātu tan me ..5..

Linked texts (2)