Pramāṇa · Search · About · API

Atharvaveda 6.138: sūktaṃ 6.138

Atharvaveda 6.138

Language
Sanskrit

sūktaṃ 6.138

6.138.1

tvaṃ vīrudhāṃ śreṣṭhatamābhiśrutāsyoṣadhe .
imaṃ me adya puruṣaṃ klībamopaśinaṃ kṛdhi ..1..

6.138.2

klībaṃ kṛdhyopaśinamatho kurīriṇaṃ kṛdhi .
athāsyendro grāvabhyāmubhe bhinattvāṇḍyau ..2..

6.138.3

klība klībaṃ tvākaraṃ vadhre vadhriṃ tvākaramarasārasaṃ tvākaram .
kurīramasya śīrṣaṇi kumbaṃ cādhinidadhmasi ..3..

6.138.4

ye te nāḍyau devakṛte yayostiṣṭhati vṛṣṇyam .
te te bhinadmi śamyayāmuṣyā adhi muṣkayoḥ ..4..

6.138.5

yathā naḍaṃ kaśipune striyo bhindantyaśmanā .
evā bhinadmi te śepo'muṣyā adhi muṣkayoḥ ..5..

Linked texts (2)