Atharvaveda 6.22: sūktaṃ 6.022
Atharvaveda 6.22
- Language
- Sanskrit
sūktaṃ 6.022
6.22.1
kṛṣṇaṃ niyānaṃ harayaḥ suparṇā apo vasānā divamutpatanti .
ta āvavṛtrantsadanādṛtasyādidghṛtena pṛthivīṃ vyūduḥ ..1..
6.22.2
payasvatīḥ kṛṇuthāpa oṣadhīḥ śivā yadejathā maruto rukmavakṣasaḥ .
ūrjaṃ ca tatra sumatiṃ ca pinvata yatrā naro marutaḥ siñcathā madhu ..2..
6.22.3
udapruto marutastāmiyarta vṛṣṭiryā viśvā nivataspṛṇāti .
ejāti glahā kanyeva tunnairuṃ tundānā patyeva jāyā ..3..