Atharvaveda 6.30: sūktaṃ 6.030

Atharvaveda 6.30

Language: Sanskrit

sūktaṃ 6.030

6.30.1

devā imaṃ madhunā saṃyutaṃ yavaṃ sarasvatyāmadhi maṇāvacarkṛṣuḥ .
indra āsītsīrapatiḥ śatakratuḥ kīnāśā āsan marutaḥ sudānavaḥ ..1..

6.30.2

yaste mado'vakeśo vikeśo yenābhihasyaṃ puruṣaṃ kṛṇoṣi .
ārāttvadanyā vanāni vṛkṣi tvaṃ śami śatavalśā vi roha ..2..

6.30.3

bṛhatpalāśe subhage varṣavṛddha ṛtāvari .
māteva putrebhyo mṛḍa keśebhyaḥ śami ..3..

6.30.3_1

de॒vā i॒maṃ madhṷnā॒ saṃyṷta॒ṃ yava॒ṃ sara̭svatyā॒madhi̭ ma॒ṇāva̭carkṛṣuḥ.
indra̭ āsī॒tsīra̭patiḥ śa॒takra̭tuḥ kī॒nāśā̭ āsanma॒ruta̭ḥ su॒dāna̭vaḥ ..1..

6.30.3_2

de॒vāḥ . i॒mam . madhṷnā . sam'yṷtam . yava̭m . sara̭sva॒tyām . adhi̭ . ma॒ṇau . aca॒rkṛ॒ṣu॒ḥ . indra̭ḥ . ā॒sī॒t . sīra̭'patiḥ . śa॒ta'kra̭tuḥ . kī॒nāśā̭ḥ . ā॒sa॒n . ma॒ruta̭ḥ . su॒dāna̭vaḥ .. 1 ..

madhunā madhurarasena kṣaudreṇa vā saṃjitam saṃprāptaṃ yavam dīrghaśūkam imaṃ dhānyaviśeṣaṃ sarasvatyām adhi sarasvatyākhyāyā nadyāḥ samīpe maṇau manuṣyajātau devāḥ acarkṛṣuḥ kṛtavantaḥ . tadānīṃ karṣaṇena bhūmau tad dhānyam utpādayituṃ śatakratuḥ indraḥ sīrapatiḥ halasyādhiṣṭhātā svāmī āsīt . sudānavaḥ śobhanadānā marutaḥ kīnāśāḥ karṣakā āsan .
yaste॒ mado̭ 'vake॒śo vi̭ke॒śo yenā̭bhi॒hasya॒ṃ purṷṣaṃ kṛ॒ṇoṣi̭.
ā॒rāttvada॒nyā vanā̭ni vṛkṣi॒ tvaṃ śa̭mi śa॒tava̭lśā॒ vi ro̭ha ..2..

6.30.3_4

yaḥ . te॒ . mada̭ḥ . a॒va॒'ke॒śaḥ . vi॒'ke॒śaḥ . yena̭ . a॒bhi॒'hasya̭m . purṷṣam . kṛ॒ṇoṣi̭ . ā॒rāt . tvat . a॒nyā . vanā̭ni . vṛ॒kṣi॒ . tvam . śa॒mi॒ . śa॒ta'va̭lśā . vi . ro॒ha॒ ..2..

6.30.3_5

he śami te tava saṃbandhī yo madaḥ harṣaḥ avakeśaḥ avamatakeśotpādakaḥ vikeśaḥ keśavigamanahetuśca bhavati . yena madena abhihasyam abhito hasanīyaṃ puruṣaṃ kṛṇoṣi karoṣi . ahamapi tvattaḥ anyā anyāni tvadvyatiriktāni ārāt dūravartīni vanāni vṛkṣi vṛścāmi . he śami tvaṃ śatavalśā śataśākhā satī vi roha vividhaṃ prarūḍhā bhava .
bṛha̭tpalāśe॒ subha̭ge॒ varṣa̭vṛddha॒ ṛtā̭vari.
mā॒teva̭ pu॒trebhyo̭ mṛḍa॒ keśḙbhyaḥ śami ..3..

6.30.3_6

bṛha̭t'palāśe . su॒'bha̭ge . varṣa'vṛddhe . ṛta̭'vari . mā॒tā'iva . pu॒trebhya̭ḥ . mṛ॒ḍa॒ . keśebhyaḥ . śa॒mi॒ .. 3 ..

6.30.3_7

he bṛhatpalāśe . bṛhanti mahānti samadhikāni palāśāni parṇāni yasyāḥ sā bṛhatpa- lāśā . he subhage saubhāgyakāriṇi he varṣavṛddhe varṣeṇaiva vṛddhe . apuruṣaprayatnasiddhe ityarthaḥ . he ṛtāvari . ṛtam udakaṃ satyaṃ yajño vā tadvati . ṛtaśabdāt 'chandasīvanipau' ( pāvā 5,2, 109) iti matvarthīyo vanip . 'vano ra ca' (pā 4, 1,7) iti ṅībrephau . evaṃbhūte he śami putrebhyo māteva keśebhyo mṛḻa mṛḍaya . yathā mātā putrān abhivardhayati tathā keśān vardhayetyarthaḥ .