Atharvaveda 6.38: sūktaṃ 6.038
Atharvaveda 6.38
- Language
- Sanskrit
sūktaṃ 6.038
6.38.1
siṃhe vyāghra uta yā pṛdākau tviṣiragnau brāhmaṇe sūrye yā .
indraṃ yā devī subhagā jajāna sā na aitu varcasā saṃvidānā ..1..
6.38.2
yā hastini dvīpini yā hiraṇye tviṣirapsu goṣu yā puruṣeṣu .
indraṃ yā devī subhagā jajāna sā na aitu varcasā saṃvidānā ..2..
6.38.3
rathe akṣeṣvṛṣabhasya vāje vāte parjanye varuṇasya śuṣme .
indraṃ yā devī subhagā jajāna sā na aitu varcasā saṃvidānā ..3..
6.38.4
rājanye dundubhāvāyatāyāmaśvasya vāje puruṣasya māyau .
indraṃ yā devī subhagā jajāna sā na aitu varcasā saṃvidānā ..4..