Atharvaveda 6.71: sūktaṃ 6.071
Atharvaveda 6.71
- Language
- Sanskrit
sūktaṃ 6.071
6.71.1
yadannamadmi bahudhā virūpaṃ hiraṇyamaśvamuta gāmajāmavim .
yadeva kiṃ ca pratijagrahāhamagniṣṭaddhotā suhutaṃ kṛṇotu ..1..
6.71.2
yan mā hutamahutamājagāma dattaṃ pitṛbhiranumataṃ manuṣyaiḥ .
yasmān me mana udiva rārajītyagniṣṭaddhotā suhutaṃ kṛṇotu ..2..
6.71.3
yadannamadmyanṛtena devā dāsyann adāsyann uta saṃgṛṇāmi .
vaiśvānarasya mahato mahimnā śivaṃ mahyaṃ madhumadastvannam ..3..