Atharvaveda 6.97: sūktaṃ 6.097
Atharvaveda 6.97
- Language
- Sanskrit
sūktaṃ 6.097
6.97.1
abhibhūryajño abhibhūragnirabhibhūḥ somo abhibhūrindraḥ .
abhyahaṃ viśvāḥ pṛtanā yathāsānyevā vidhemāgnihotrā idaṃ haviḥ ..1..
6.97.2
svadhāstu mitrāvaruṇā vipaścitā prajāvatkṣatraṃ madhuneha pinvatam .
bādhethāṃ dūraṃ nirṛtiṃ parācaiḥ kṛtaṃ cidenaḥ pra mumuktamasmat..2..
6.97.3
imaṃ vīramanu harṣadhvamugramindraṃ sakhāyo anu saṃ rabhadhvam .
grāmajitaṃ gojitaṃ vajrabāhuṃ jayantamajma pramṛṇantamojasā ..3..