Atharvaveda 7.18: sūktaṃ 7.018
Atharvaveda 7.18
- Language
- Sanskrit
sūktaṃ 7.018
7.18.1
7.18(7.17)
dhātā dadhātu no rayimīśāno jagataspatiḥ .
sa naḥ pūrṇena yacchatu ..1..
7.18.2
dhātā dadhātu dāśuṣe prācīṃ jīvātumakṣitām .
vayaṃ devasya dhīmahi sumatiṃ viśvarādhasaḥ ..2..
7.18.3
dhātā viśvā vāryā dadhātu prajākāmāya dāśuṣe duroṇe .
tasmai devā amṛtaṃ saṃ vyayantu viśve devā aditiḥ sajoṣāḥ ..3..
7.18.4
dhātā rātiḥ savitedaṃ juṣantāṃ prajāpatirnidhipatirno agniḥ .
tvaṣṭā viṣṇuḥ prajayā saṃrarāṇo yajamānāya draviṇaṃ dadhātu ..4..