Pramāṇa · Search · About · API

Atharvaveda 7.35: sūktaṃ 7.035(7.34)

Atharvaveda 7.35

Language
Sanskrit

sūktaṃ 7.035(7.34)

7.35.1

agne jātān pra ṇudā me sapatnān pratyajātān jātavedo nudasva .
adhaspadaṃ kṛṇuṣva ye pṛtanyavo'nāgasaste vayamaditaye syāma ..1..

7.35.1_1

vidveṣiṇaḥ pumapatyarāhityāya 'agne jātān' ityanayā aśvatarīmūtraṃ pāṣāṇena saṃghṛṣya abhimantrya odanena saha vidveṣiṇyai prayacchet .
tathā tasminneva karmaṇi anayā aśvatarīmūtraṃ pāṣāṇābhyāṃ saṃghṛṣya abhimantrya tasyā alaṃkārān ālimpet .
tathā tasminneva karmaṇi anayā vidveṣiṇyāḥ sīmantam īkṣeta .
vidveṣiṇyā vandhyākaraṇakarmaṇi 'prānyān' iti tṛcena pūrvamantroktāni karmāṇi kuryāt .
sūtritaṃ hi -- " 'agne jātān' iti na vīraṃ janayet 'prānyān' ( a 7,36 ) iti na "vijāyetetyaśvatarīmūtram aśmamaṇḍalābhyāṃ saṃghṛṣya bhakte'laṃkāre . sīmantam anvīkṣate” ( kausū 36,33,34 ) iti .
abhicārakarmaṇi 'agne jātān' iti dvābhyām ṛgbhyām aśanihatavṛkṣasamidha ādadhyāt .
agnicayane pañcamyāṃ citau asapatneṣṭakām upadhīyamānām 'agne jātān’ iti dvābhyām ṛgbhyām brahmā anumantrayeta . " 'agne jātān' iti dvābhyāṃ pañcamyāṃ citāvasapatneṣṭakā nidhīyamānāḥ " ( vaitāśrau 29, 6 ) iti hi vaitānaṃ sūtram .
vivāhe caturthadivase 'akṣau nau' ityanayā varavadhvau anyonyam akṣiṇī añjātām . akṣyau nau' (a 7,37) iti samañjate ” ( kausū 79, 2 ) iti sūtram .
saubhāgyasaṃvananakarmaṇi 'idaṃ khanāmi' iti pañcarcena sauvarcalamūlaṃ saṃpātya abhimantrya badhnīyāt .
tathā tatraiva karmaṇi anena pañcarcena śaṅkhapuṣpīpuṣpam abhimantrya striyāḥ śirasi badhnīyāt .
“ “idaṃ khanāmi' ( a 7,39 ) iti sauvarcalam oṣadhivat śuklaprasūnaṃ śirasyupacṛtya grāmaṃ praviśati” ( kausū 36, 12 ) iti sūtram .

7.35.1_2

agnḙ jā॒tānpra ṇṷdā me sa॒patnā॒npratyajā̭tānjātavedo nudasva.
a̭dhaspa॒daṃ kṛ̭ṇuṣva॒ ye pṛ̭ta॒nyavo 'nā̭gasa॒ste va॒yamadi̭taye syāma ..1..
agnḙ . jā॒tān . pra . nṷda॒ . me॒ . sa॒'patnā̭n . prati̭ . ajā̭tān . jā॒ta've॒da॒ḥ . nu॒da॒sva॒ .
a॒dha॒ḥ'pa॒dam . kṛ॒ṇu॒ṣva॒ . ye . pṛta॒nyava̭ḥ . anā̭gasaḥ . te . va॒yam . adi̭taye . syā॒ma॒ .. 1 ..

7.35.1_3

he agne me madīyān jātān niṣpannān sapatnān śatrūn pra ṇuda prakarṣeṇa preraya atidūram apasāraya . tathā he jātavedaḥ jātānāṃ veditaḥ jātaprajña vā ajātān anutpannān utpatsyamānān śatruputrān prati nudasva vināśaya . kiṃ ca ye śatravaḥ pṛtanyavaḥ saṃgrāmecchvaḥ . pṛtanāśabdād icchāyāṃ kyaci 'kavyadhvarapṛtanasyarci lopaḥ' ( pā 7,4,39 ) iti antyalopaḥ . tān asmābhiḥ saha yoddhum icchūn sapatnān adhaspadam pādasyādhastād deśe kṛṇuṣva kuru . madīyapādādhaḥpradeśavartinaḥ kuru . evaṃ śatrubādhā prārthitā . atha taddoṣaparihāraścaturthapādena prārthyate - te tādṛśāḥ śatrupīḍākāṅkṣiṇo vayam . putrādisāhityaṃ vaktuṃ bahuvacanam . aditaye aditiḥ akhaṇḍanīyā pṛthivī adīnā vā devamātā tasyai . ṣaṣṭhyarthe caturthī . adityāḥ prasādād anāgasaḥ syāma pāparahitā bhavema . ayam arthaḥ - bhūmirhi puṇyakṛtaḥ svasyopari cirakālam avasthāpayati pāpakṛtastiraskaroti . ataḥ atra śatrupīḍākāṅkṣiṇo'pi asmān tatpāpaparihāreṇa bhūmiścirakālam avasthāpayatviti prārthyate . śatruhananārtham agneḥ prārthanād vā tanmātā aditiḥ pāparahitān asmān karotviti āśāsyate . yadvā aditaye akhaṇḍitatvāya adīnatvāya anabhiśastaye vā anāgasaḥ syāmeti .

Linked texts (1)