Atharvaveda 7.52: sūktaṃ 7.052(7.050)

Atharvaveda 7.52

7.50(7.52)
yathā vṛkṣamaśanirviśvāhā hantyaprati .
evāhamadya kitavān akṣairbadhyāsamaprati ..1..

turāṇāmaturāṇāṃ viśāmavarjuṣīṇām .
samaitu viśvato bhago antarhastaṃ kṛtaṃ mama ..2..

īḍe agniṃ svāvasuṃ namobhiriha prasakto vi cayatkṛtaṃ naḥ .
rathairiva pra bhare vājayadbhiḥ pradakṣiṇaṃ marutāṃ stomamṛdhyām ..3..

vayaṃ jayema tvayā yujā vṛtamasmākamaṃśamudavā bharebhare .
asmabhyamindra varīyaḥ sugaṃ kṛdhi pra śatrūṇāṃ maghavan vṛṣṇyā ruja ..4..

ajaiṣaṃ tvā saṃlikhitamajaiṣamuta saṃrudham .
aviṃ vṛko yathā mathadevā mathnāmi te kṛtam ..5..

uta prahāmatidīvā jayati kṛtamiva śvaghnī vi cinoti kāle .
yo devakāmo na dhanaṃ ruṇaddhi samittaṃ rāyaḥ sṛjati svadhābhiḥ ..6..

gobhiṣṭaremāmatiṃ durevāṃ yavena vā kṣudhaṃ puruhūta viśve .
vayaṃ rājasu prathamā dhanānyariṣṭāso vṛjanībhirjayema ..7..

kṛtaṃ me dakṣiṇe haste jayo me savya āhitaḥ .
gojidbhūyāsamaśvajiddhanaṃjayo hiraṇyajit..8..

akṣāḥ phalavatīṃ dyuvaṃ datta gāṃ kṣīriṇīmiva .
saṃ mā kṛtasya dhārayā dhanuḥ snāvneva nahyata ..9..

akṣopari ṭippaṇī

7.52.8 kṛtaṃ me dakṣiṇe haste jayo me savya āhitaḥ--

savyopari ṭippaṇī

Linked texts (1)