Atharvaveda 7.55: sūktaṃ 7.055(7.053)

Atharvaveda 7.55

amutrabhūyādadhi yadyamasya bṛhaspate abhiśasteramuñcaḥ .
pratyauhatāmaśvinā mṛtyumasmaddevānāmagne bhiṣajā śacībhiḥ ..1..

saṃ krāmataṃ mā jahītaṃ śarīraṃ prāṇāpānau te sayujāviha stām .
śataṃ jīva śarado vardhamāno'gniṣṭe gopā adhipā vasiṣṭhaḥ ..2..

āyuryatte atihitaṃ parācairapānaḥ prāṇaḥ punarā tāvitām .
agniṣṭadāhārnirṛterupasthāttadātmani punarā veśayāmi te ..3..

memaṃ prāṇo hāsīn mo apāno'vahāya parā gāt.
saptarṣibhya enaṃ pari dadāmi te enaṃ svasti jarase vahantu ..4..

pra viṣataṃ prāṇāpānāvanaḍvāhāviva vrajam .
ayaṃ jarimṇaḥ śevadhirariṣṭa iha vardhatām ..5..

ā te prāṇaṃ suvāmasi parā yakṣmaṃ suvāmi te .
āyurno viśvato dadhadayamagnirvareṇyaḥ ..6..

udvayaṃ tamasaspari rohanto nākamuttamam .
devaṃ devatrā sūryamaganma jyotiruttamam ..7..

Linked texts (1)