Atharvaveda 7.58: sūktaṃ 7.058

Atharvaveda 7.58

tiraścirājerasitātpṛdākoḥ pari saṃbhṛtam .
tatkaṅkaparvaṇo viṣamiyaṃ vīrudanīnaśat..1..

iyaṃ vīrun madhujātā madhuścun madhulā madhūḥ .
sā vihrutasya bheṣajyatho maśakajambhanī ..2..

yato daṣṭaṃ yato dhītaṃ tataste nirhvayāmasi .
arbhasya tṛpradaṃśino maśakasyārasaṃ viṣam ..3..

ayaṃ yo vakro viparurvyaṅgo mukhāni vakrā vṛjinā kṛṇoṣi .
tāni tvaṃ brahmaṇaspate iṣīkāmiva saṃ namaḥ ..4..

arasasya śarkoṭasya nīcīnasyopasarpataḥ .
viṣaṃ hyasyādiṣyatho enamajījabham ..5..

na te bāhvorbalamasti na śīrṣe nota madhyataḥ .
atha kiṃ pāpayā'muyā pucche bibharṣyarbhakam ..6..

adanti tvā pipīlikā vi vṛścanti mayūryaḥ .
sarve bhala bravātha śārkoṭamarasaṃ viṣam ..7..

ya ubhābhyāṃ praharasi pucchena cāsyena ca .
āsye na te viṣaṃ kimu te pucchadhāvasat..8..

Linked texts (1)