Atharvaveda 7.93: sūktaṃ 7.093(7.88)
Atharvaveda 7.93
- Language
- Sanskrit
sūktaṃ 7.093(7.88)
7.93.1
apehyarirasyarirvā asi viṣe viṣamapṛkthā viṣamidvā apṛkthāḥ .
ahimevābhyapehi taṃ jahi ..1..
7.93.1_1
ape॒hyari̭ra॒syari॒rvā a̭si vi॒ṣe vi॒ṣama̭pṛkthā vi॒ṣamidvā a̭pṛkthāḥ.
ahi̭me॒vābhyapḙhi॒ taṃ ja̭hi ..1..
apa . ihi . ari: . asi . ari: . vai . asi . viṣe . viṣam . apṛkthāḥ . viṣam . it . vai . apṛkthāḥ .
ahim . eva . abhi'apehi . tam . jahi .. 1 ..
7.93.1_2
atra sarpaviṣaṃ saṃbodhyate . he viṣa apehi apagaccha asmād daṣṭāt puruṣāt . yatastvam ariḥ śatruḥ asi bhavasi . na kevalam asyaiva arirasi vai sarvasya śatrurbhavasi khalu . ato viṣe viṣavati sarpe . arśaāditvād acpratyayaḥ . viṣam apṛkthāḥ saṃparcaya saṃyojaya . etadeva punarāha - viṣamit viṣameva apṛkthāḥ saṃyojaya . vaiśabdaḥ avadhāraṇe . viṣavati sarpa eva punarviṣameva saṃyojayetyarthaḥ . pṛcī saṃparke . chāndase luṅi 'ekācaḥ” (pā 7,2,10 ) iti iṇniṣedhaḥ . 'jhalo jhali' (pā 8,2,26 ) iti sico lopaḥ . uktārthameva viśadayati - he viṣa tvaṃ yasya viṣaṃ bhavasi tam ahim āhantāraṃ sarpam eva abhyupehi abhilakṣya samīpaṃ gaccha . gatvā ca tam ahiṃ jahi vināśaya .
Linked texts (1)
- Aṅgirasī — Sanskrit