Pramāṇa · Search · About · API

Atharvaveda 9.12

Atharvaveda 9.12

Language
Sanskrit

9.12.1

9.7
prajāpatiśca parameṣṭhī ca śṛṅge indraḥ śiro agnirlalāṭaṃ yamaḥ kṛkāṭam ..1..

9.12.2

somo rājā mastiṣko dyauruttarahanuḥ pṛthivyadharahanuḥ ..2..

9.12.3

vidyujjihvā maruto dantā revatīrgrīvāḥ kṛttikā skandhā gharmo vahaḥ ..3..

9.12.4

viśvaṃ vāyuḥ svargo lokaḥ kṛṣṇadraṃ vidharaṇī niveṣyaḥ ..4..

9.12.5

śyenaḥ kroḍo'ntarikṣaṃ pājasyaṃ bṛhaspatiḥ kakudbṛhatīḥ kīkasāḥ ..5..

9.12.6

devānāṃ patnīḥ pṛṣṭaya upasadaḥ parśavaḥ ..6..

9.12.7

mitraśca varuṇaścāṃsau tvaṣṭā cāryamā ca doṣaṇī mahādevo bāhū ..7..

9.12.8

indrāṇī bhasadvāyuḥ pucchaṃ pavamāno bālāḥ ..8..

9.12.9

brahma ca kṣatraṃ ca śroṇī balamūrū ..9..

9.12.10

dhātā ca savitā cāṣṭhīvantau jaṅghā gandharvā apsarasaḥ kuṣṭhikā aditiḥ śaphāḥ ..10..

9.12.11

ceto hṛdayaṃ yakṛn medhā vrataṃ purītat..11..

9.12.12

kṣutkukṣirirā vaniṣṭhuḥ parvatāḥ plāśayaḥ ..12..

9.12.13

krodho vṛkkau manyurāṇḍau prajā śepaḥ ..13..

9.12.14

nadī sūtrī varṣasya pataya stanā stanayitnurūdhaḥ ..14..

9.12.15

viśvavyacāścarmauṣadhayo lomāni nakṣatrāṇi rūpam ..15..

9.12.16

devajanā gudā manuṣyā āntrāṇyatrā udaram ..16..

9.12.17

rakṣāṃsi lohitamitarajanā ūbadhyam ..17..

9.12.18

abhraṃ pībo majjā nidhanam ..18..

9.12.19

agnirāsīna utthito'śvinā ..19..

9.12.20

indraḥ prāṅtiṣṭhan dakṣiṇā tiṣṭhan yamaḥ ..20..

9.12.21

pratyaṅtiṣṭhan dhātodaṅtiṣṭhantsavitā ..21..

9.12.22

tṛṇāni prāptaḥ somo rājā ..22..

9.12.23

mitra īkṣamāṇa āvṛtta ānandaḥ ..23..

9.12.24

yujyamāno vaiśvadevo yuktaḥ prajāpatirvimuktaḥ sarvam ..24..

9.12.25

etadvai viśvarūpaṃ sarvarūpaṃ gorūpam ..25..

9.12.26

upainaṃ viśvarūpāḥ sarvarūpāḥ paśavastiṣṭhanti ya evaṃ veda ..26..

9.12.26_1

9.12.11 yakṛn medhā

9.12.26_2

yakṛtopari ṭippaṇī

9.12.26_3

9.12.12 parvatāḥ plāśayaḥ

9.12.26_4

dra. taibrā. 2.6.4.4

9.12.26_5

9.12.13 krodho vṛkkau

9.12.26_6

vṛkka upari ṭippaṇī

Linked texts (3)