Pramāṇa · Search · About · API

Atharvaveda 9.8

Atharvaveda 9.8

Language
Sanskrit

9.8.31

iṣṭaṃ ca vā eṣa pūrtaṃ ca gṛhāṇāmaśnāti yaḥ pūrvo'titheraśnāti ..31..

9.8.32

payaśca vā eṣa rasaṃ ca gṛhāṇāmaśnāti yaḥ pūrvo'titheraśnāti ..32..

9.8.33

ūrjāṃ ca vā eṣa sphātiṃ ca gṛhāṇāmaśnāti yaḥ pūrvo'titheraśnāti ..33..

9.8.34

prajāṃ vā eṣa paśūṃśca gṛhāṇāmaśnāti yaḥ pūrvo'titheraśnāti ..34..

9.8.35

kīrtiṃ vā eṣa yaśaśca gṛhāṇāmaśnāti yaḥ pūrvo'titheraśnāti ..35..

9.8.36

śriyaṃ vā eṣa saṃvidaṃ ca gṛhāṇāmaśnāti yaḥ pūrvo'titheraśnāti ..36..

9.8.37

eṣa vā atithiryacchrotriyastasmātpūrvo nāśnīyāt..37..

9.8.38

aśitāvatyatithāvaśnīyādyajñasya sātmatvāya yajñasyāvicchedāya tadvratam ..38..

9.8.39

etadvā u svādīyo yadadhigavaṃ kṣīraṃ vā māṃsaṃ vā tadeva nāśnīyāt..39..

Linked texts (1)