Madhavanukramani 13

Mādhavānukramaṇī 13

Language: Sanskrit

13.1

tā vāmadya tāvaparaṃ vyācikhyāsati mādhavaḥ
loṭaḥ pradarśayanvṛttiṃ leṭaśca tadanantaram
loḍleṭāvapi vidhyādau smṛtau yatra liṅo vidhiḥ
ṛjīte pariṣṭandhi no vidhirāśīśca yācanam

13.2

nāhamato nirayeti loṭaḥ sarve vidhāyakāḥ
vacanavyaktibhedastu vākyasaṃyogataḥ kṛtaḥ

13.3

samuccaye'nyatarasyāmasyodāharaṇaṃ viduḥ
preṣyabhīhi dhṛṣṇuhīti śatruṣivatthaṅkaroti saḥ

13.4

dṛśyante bahavo leṭaḥ prārthanāviṣayā iha
sa devām̐ eha vakṣati yakṣacca pipayacca naḥ

13.5

trimūrdhānaṃ saptaraśmimayaṃ leṭsyādidhāyakaḥ
athāpi vartamāne'rthe yo yajāti yajāta it

13.6

agninā rayimaśnavaddhavaḥ santi tāddaśāḥ
ā ghā gamadyadiśravaddhetu hetumatorimau

13.7

vākyārthānuguṇaṃ loṭo leṭaścārthampradarśayet
vyutpattyarthamimāḥ kāścidvaco'smābhiḥ pradarśitāḥ

Linked texts (3)

Ṛgvedānukramaṇī (Mādhava) — Mādhava, Sanskrit
Ākhyātānukramaṇī — Mādhava, Sanskrit
Ṛgvedānukramaṇī (Mādhava) — Veṅkaṭamādhava, Sanskrit