Madhavanukramani 16
Mādhavānukramaṇī 16
- Language
- Sanskrit
16.1
yacciddhi te triśo yathā sa no vṛṣṭindivaspari
mandasva hotrāddhyāyaṃ vyācikhyāsati mādhavaḥ
darśayannātmanepadaprayuktamabhedamātmanaḥ
kimatra kāraṇasbrūhi dhātavo'mī vyavasthitāḥ
parasmaipadinaḥ kecidātmanepadino'pare
16.2
ātmanepadameṣu dṛśyate bhāvakarmaṇoḥ
udāharaṇameteṣāmabahutvānna pradarśyate
16.3
vadanti tatra kavayaḥ svabhāvādiha kecana
abhisaṃyanti kartāramagnimīle purohitam
16.4
phalaṃ stuteḥ svabhāvena kartāramupagacchati
anyārthatvaṃ stuteryasmātpratipādyamiti sthitiḥ
16.5
ātmanepadinaste syuḥ parasmaipadino'pare
īkṣateḥ paśyateścāpi bhedaḥ sūkṣmo'sti kaścana
16.6
abhisandhāya kāryārthandarśanaṃ vidurīkṣaṇam
avekṣe suprajāstvāya tannāhuśca nidarśanam
16.7
niyamaḥ paśyaternāsti narāśaṃsaṃ sudhyṛṣṭamam
parasmaipadī paśyatiranyastenātmanepadī
16.8
bhavanti cobhayavidhāḥ prātā ratnaṃ prātaritvā
añjantitvāmadhvare ca cilairañjibhirvapuṣe
16.9
kartṛgāminyapi phale na bhavatyātmanepadam
avivakṣayopapadātpratīteśca tathā kacit
16.10
ātmanepadamityeṣā saṃjñārthandarśayatyamum
padiḥ prayogakarmā syādātmane bhāṣyate iti
16.11
alpabhedamanāśritya parokṣādau ṅuṅādayaḥ
prayujyante yathā tadvatsaṅkaraścāpi dṛśyate
16.12
vadanti vaiyākaraṇā imambhedamupagraham
sa cāyandurgraho bhedaḥ spaṣṭantebhyo'vadhāryatām
Linked texts (3)
- Ṛgvedānukramaṇī (Mādhava) — Mādhava, Sanskrit
- Ākhyātānukramaṇī — Mādhava, Sanskrit
- Ṛgvedānukramaṇī (Mādhava) — Veṅkaṭamādhava, Sanskrit