Madhavanukramani 18
Mādhavānukramaṇī 18
- Language
- Sanskrit
18.1
uccāvaceṣu nipatatāmartheṣveṣu yathāyatham
hānopādānavānvipro na mantrārtheṣu muhyati
iti
athecchanti tvā somyāso vyācakṣyāsati mādhavaḥ
saṅgateṣu nipāteṣu vaktavyaṃ sampradarśayan
pṛthagartho nipāteṣu saṅgateṣu pradarśayet
ādaha svadhāmanviti tannāhuśca nidarśanam
18.2
svidityeko nipāto'yamathasvidāsīdupari
canacennanvamī ca syurabhijñā iti niścayaḥ
18.3
samudāyā nipatānāmāmī no mo atho iti
atasteṣāmapyagṛhyatvaṃ pṛthakśāsti hi pāṇiniḥ
18.4
mo ahandviṣate radhanno vayammarāma iti
samudāyatvamanayoritthamarthapratītitaḥ
18.5
icchanti kavayaḥ keciddvayorekaḥ svarastathā
nahītyeko nipāto'yamapṛthagadhvaryavastu tam
18.6
adhīyate'ghudāttaśca nahyasyā aparaścana
nahītyanena yoge ca smartavyāstiṅudāttavān
18.7
kevalena vinā yoge śābdikaiḥ smaryate yathā
bahvṛcā hikamityekaṅgimiti dvāvadhīyate
18.8
ayaśca yujyate hyeka ekodāttasya darśanāt
rājā hi kambhuvanānāntiṣṭhā su kammaghavanmā
18.9
yenā nu kammānuṣī ca trayo'mī nihatāḥ kamaḥ
sūkṣmekṣikāparā viprāḥ kathayantyatra bahvṛcāḥ
18.10
yathā samāse padayoraikārthyamupajāyate
naño heśca tathaikārthyaṃnahītyalopajāyate
18.11
arthasya ca pradhānatvādantodāttamabhūtpadam
hinā yoge nusubhyāśca kamityetannihanyate
18.12
padenānena saṃyogādyathākhyātannihanyate
hinyuyoge kamityetadevameteti bahūcāḥ
18.13
adhvaryavastu necchanti āśiṣe vai kaṃ yajamānaḥ
ityudāttamadhīyānāḥ pṛthakcārthakramo viduḥ
Linked texts (2)
- Ṛgvedānukramaṇī (Mādhava) — Mādhava, Sanskrit
- Ṛgvedānukramaṇī (Mādhava) — Veṅkaṭamādhava, Sanskrit