Madhavanukramani 21
Mādhavānukramaṇī 21
- Language
- Sanskrit
21.1
vaiśvānarāya mīvhuṣe vyācikhyāsati mādhavaḥ
ādau pradarśayanvṛttintiḍāṃ ye himiranvitāḥ
vākyārthasya parārthatve hiśabdo'yamprayujyate
udgṛhṇāti ca vākyārthamindvo vāmuśānti hi
21.2
udgṛhyamāṇo vākyārtho na svasminparyavasyati
kāmayante hi vāṃ somāstasmādāgacchataṃ yuvām
21.3
srute hi tvā havāmahe sa hi naḥ pramatirmahī
na hi tvā rodasī ubhe tiṅtho'tra hinā sphuṭaḥ
21.4
vākyāntareṇānvayārthamapyayaṃ hiḥ prayujyate
asartyapi ca hetutve tathaivodgrahaṇe'sati
21.5
yuṅgvā hi devahūtamānuṣovājaṃ hi vaṃsva
nahi te kṣatraṃ saha ūruṃ hi rājā varuṇaḥ
21.6
aśvāmrathe yojayitvā tenāgatya niṣīda ca
citramannamprayacchoṣastena yajñamuvāha ca
21.7
kṣatrādīni vayo nāpurna cāpo vegavattamāḥ
vistīrṇamārgakaraṇātpādākaḥ pratidhātave
21.8
āścarye hiḥ prasiddhāśca tathaucitye ca dṛśyate
asti codgrahaṇanteṣāṃ sarveṣviti viniścayaḥ
21.9
parā hi me vimanyava ā hi ṣmā snave pitā
na hi vāmasti dūraka āścaryārtha ime iyaḥ
21.10
sa hi śravasyustvaṃ hyagne pasiddhyāṃ hī śrutāvimau
tathā tvaṃ hyagne sadamiddhahavaḥ santi tāhaśāḥ
21.11
evām̐ hyasya sūnṛteti tṛce dṛṣṭā hyastrayaḥ
aucityārthā bhavantyete santyanye'pi ca tāhaśāḥ
21.12
samuccaye ca hirddiṣṭaḥ sa mandsvā hyandhasaḥ
tatparaścānudāttāstriṅsantyanye'pi ca tāhaśāḥ
Linked texts (2)
- Ṛgvedānukramaṇī (Mādhava) — Mādhava, Sanskrit
- Ṛgvedānukramaṇī (Mādhava) — Veṅkaṭamādhava, Sanskrit