Madhavanukramani 26

Mādhavānukramaṇī 26

Language: Sanskrit

26.1

iti
mahi me tavaso'tha vyācikhyāsati mādhavaḥ
samāsarviṣaye vācyamāditaḥ sampradarśayan
samāsa upasṛṣṭānānivartante vibhaktayaḥ
vispaṣṭamabhidhānāya nirdiśyante punaśca tāḥ

26.2

draviṇodā draviṇastā somaṃ somapātamā
gavāṅgopatirityevannu te pādapūraṇāḥ

26.3

upādātumaśakyo'yampratyayaḥ prakṛtiṃ vinā
tato'nyena gatārthāpi prakṛtiḥ samprayujyate

26.4

vasorindraṃ vasupatimpurutamampurūṇāśca
rathītamaṃ rathīnāśca pādāstala nidarśanam

26.5

vājebhirvājinīvatī vājebhiriti pūraṇaḥ
yuktānyairbahubhisseyaṃ yajñaṃ vaṣṭu dhiyāvasuḥ

26.6

nanvatra vigrahaḥ so'yamastyasyā vājinīti yaḥ
tṛtīyāntasya saṃbandhaḥ pucchiṅgasya ca tatra kaḥ

26.7

tasmādanyairasmadīyaṃ havirbhūtaiḥ sarasvatī
vahatāmiti mantrārtho natvanyairanyavatīti

26.8

kimatra tava vaktavyamantvaṃ soma ṛtubhiriti
kiṃ veha tava vācyaṃ syādyajñebhiryajñavāhasam

26.9

tatraivaṃ vigrahaḥ kāryo vājinībhiḥ samanvitā
yā sā vājinīvatīti tṛtīyāntastathānvitaḥ

26.10

ṛtubhiryuktaḥ suṛturbahutrīheśca vigrahaḥ
na tvasya santi ṛtavastṛtīyāśca tathānvitāḥ

26.11

ṛtavo yasya santīti yo'yaṃ laukikavigrahaḥ
sa vispaṣṭābhidhānāya sarvamātramapekṣitam

26.12

anvayo vājaśabdena pulliṅgenāpi siddhyati
vājebhiriti pulliṅgantathā sati na duṣyati

26.13

yadvānnavatvambahubhiḥ ṛtubhirnaistathā sati
dṛṣā dṛṣatvebhiriti samīcīno bhaviṣyati

26.14

gābhirvapāvānmadhunā tatra spaṣṭampratīyate
ṛtorgobhirvapāvattvaṅgobhirevānvavāniti

26.15

yajñebhiryajñavāhasaṃ somebhiḥ somapātamam
yajñairyajñasya voḍhā yo yajñavāhā bhavediti

26.16

aśvinā yajvarītyasyāmpratyayārthaṃ vinirdiśet
canaḥśabdamupādatte santyanye'pi ca tādṛśāḥ

Linked texts (2)

Ṛgvedānukramaṇī (Mādhava) — Mādhava, Sanskrit
Ṛgvedānukramaṇī (Mādhava) — Veṅkaṭamādhava, Sanskrit