Madhavanukramani 33
Mādhavānukramaṇī 33
- Language
- Sanskrit
33.1
mādhucchandasamityāha vāyavāyāhi darśate
ākṛtyā daśa sūktāni tadārṣaṇyāha śaunakaḥ
uktiśca dṛṣṭā sūkteṣu pravatrervatriniściket
tamutvā getamò girā jetāramaparājitam
tyānnukṣatriyām̐avasūktaṃ vṛddhopadeśataḥ
matsyānāṃ jālabaddhānāmārṣaṃ yāsko'bravīditi
pramāṇeṣvapi sandehādvikalpoktirapi kvacit
candramā apsvantariti sūkte kutso'thavā tritaḥ
athādhyāyaṃ juṣasveti vyācikhyāsati mādhavaḥ
gotreṣvṛṣīṇāṃ vaktavyamādāveva pradarśayan
pilvādiṣu prasiddhena yena nāma viśeṣyate
vedeṣvṛṣīṇāntadgotraṃ jñātavyantatra vaidikaiḥ
33.2
jetuḥ pitā madhucchandāḥ iyāvāśvasya pitāmahaḥ
pitāmaho gaurivītirgotratvena pradarśitāḥ
33.3
apālātrikule jātā viśvavārā ca tādśī
dūrastho'tristrayogotrambahavaḥ santi tādśāḥ
33.4
pitarau mitrāvaruṇau vasiṣṭhasyetyṛci śrutam
utāsi maitrāvaruṇaḥ pravareṣu punastrayoḥ
33.5
putrasthāne samāveśādvasiṣṭho maitrāvaruṇiḥ
tatrāhuḥ kāraṇaṃ prājñā videho'bhiśaśāpa tam
33.6
ṛṣe bhava videhastvamṛṣiḥ śaptaḥ samāviśat
ahorātre yogabalāttau mitrāvaruṇau smṛtau
33.7
dadarśa mantrāṃśca tadā putraścābhūtpunastrayoḥ
ṛmeṇārṣeyavaraṇamupapannantayoriti
33.8
viśvāmitrajamadagnī tathā vasiṣṭha eva ca
indro'gastyo maruto gotreṣu pradṛśyate
33.9
yadyapyṛṣīṇāṃ santānāṃ brāhmaṇeṣu na dṛśyate
gotrantathāpi vijñeyamṛkṣu gotranidarśabhāt
33.10
asagotro bhavecchrāddhe sagotrāttantumāharet
na prayaccheduhitaraṃ sagotrāyeti ca smṛtiḥ
33.11
kimeteṣu manuṣyāṇāṃ gotramityabhidhīyate
vaktavyaṃ chāndasairnaitaddharmaśāstraparairiva
33.12
kautūhalanivṛttyarthamatha cāsmābhirucyate
gotrāṇāntu sahasrāṇi prayutānyarbudāni ca
33.13
kulākhyābhimatānīha tāni gotrāṇi santu naḥ
na tu smaranti caitāni samprati brāhmaṇā ime
33.14
tarhi gotrasahasrāṇi prayutānyarbudāni ca
ṣaṭchataiḥ saṅgṛhītāni katabodhāyanādibhiḥ
33.15
smaranti tāni citteṣu sampratitvena mānavāḥ
mārkaṇḍeyo'smi māṇḍūkastathā māṇḍavya ityapi
33.16
pradarśayanbahūnpakṣānna kathañcidapīcchati
itaretarasambandhantaddhyāyamiti bruvan
33.17
yadi hyetāni gotrāṇi mārkaṇḍeyaḥ samudvahet
māṇḍūkasya duhitaramasagotrā hi sā yataḥ
33.18
tasmādvatsādikaṃ gotramiti mādhavadarśanam
āpastambaśca tāneva vedaddṛṣṭānadarśayat
Linked texts (2)
- Ṛgvedānukramaṇī (Mādhava) — Mādhava, Sanskrit
- Ṛgvedānukramaṇī (Mādhava) — Veṅkaṭamādhava, Sanskrit