Pramāṇa · Search · About · API

Madhavanukramani 38

Mādhavānukramaṇī 38

Language
Sanskrit

38.1

iti
dūrādiheva yasyeti vyācikhyāsati mādhavaḥ
pitṛputrasamāveśe vaktavyaṃ sampradarśayan
kaṇvasya putraḥ praskaṇvaḥ pra vo yadvamipaturmatam
ārṣamagne vivasvacca putrasya tadanantaram

38.2

madhucchandāḥ pitā putramāhustasya dhanañcayam
agnimīḷe madhucchandā indraṃ viśvā dhanañjayaḥ

38.3

viśvāmitraḥ pitā putra ṛṣabhastasya kīrtitaḥ
pituḥ somasya metyārṣamṛṣabhasya pra vaḥ smṛtam

38.4

arcanānāḥ pitā putraḥ iyāvāśvastasya kīrtitaḥ
ṛtasya gopāvadhitiṣṭhathaḥ piturārṣaṃ viduḥ

38.5

pra iyāvāśva pituḥ pūrvamputraḥ iyāvāśva āgataḥ
pitṛputraviparyāse kinnu syādatra kāraṇam

38.6

bahūni paśyannūktāni iyāvāśvaḥ pūrvamāgataḥ
arcanānāḥ pitā paścāditi dvandvebhya āgamaḥ

38.7

viśvāmitrapitā gādhiḥ sa viśvāmitramaṇḍale
paścātputrādājagāma sa cāsīddaṣiralpadak

38.8

katasya putra utkīlastasya sūkte vi pājasā
pituśca sūkte dve eva samidhyamāno bhavā naḥ

38.9

ṛcatrayodaśāpaśyatsūnurdaśa pitā tataḥ
anāśritya sūktasāmyampitā paścātsamāgataḥ

38.10

suhotraḥ śunahotraśca bhāradvājā narastathā
samāgatā yathājyeṣṭhambharadvājasya maṇḍale

38.11

abhūreko rayipate ṣaṭsūktāni yathākramam
apaśyannṛṣayo dve dve santyanyatra ca tāhaśāḥ

38.12

bhrātṝṇāmaparo madhya ṛṣiḥ kāścinna dṛśyate
triśokanābhākamadhye virūpaḥ kathamāgataḥ

38.13

agnimastoṣyṛgmiyannābhākārṣaṃ vidurbudhāḥ
evamādīni sūktāni virūpastata āgataḥ

38.14

ime viprasya vedhasastadvirūpārṣamucyane
ā ghā ye agnimindhate traiśokaṃ sūktamucyate

38.15

nābhākaśca triśokaśca bhrātarāviti ko'bravīt
śāṭyāyane śrūyate hi traiśokatrāhmaṇe tathā

38.16

śrūyatāmparihāro'tra yo yajāti yajāta it
ityevamādikaḥ kaścidanuvākaḥ smṛto budhaiḥ

38.17

ante tasyānuvākasya nābhākaḥ paryavasthitaḥ
uttarasyānuvākasya virūpo mukhataḥ sthitaḥ

38.18

ime viprasya vedhasaḥ sūktamāgneyamucyate
ā ghā ye agnimindhata aindratraiśokamucyate

38.19

maṇḍalādiṣvivāgneyamaindrātmāksthāpitasbudhaiḥ
anuvākāntaratvācca na bhrātṛtvaniyāmakam

38.20

athāyaṅkena vinyāsaḥ sarvo dṛṣṭo maharṣiṇā
sarvasyāṃ saṃhitāyāṃ yaḥ sarvairiti vipaścitaḥ

38.21

maṇḍalānyṛṣayo dṛṣṭvā sarva eva samāgatāḥ
vinyāsandahaśuḥ paścāditi dṛddhebhya āgamaḥ

38.22

kalpanaścānuvākānāmṛṣidṛṣṭamitisthitiḥ
na hyanārṣamidaṃ yuktaṃ yadṛṣṭasbrāhmaṇo'bravīti

38.23

svādiṣṭyā madiṣṭyā tāsāmadhyayane phalam
prādarśayadvasiṣṭho'nte yaḥ pāvamānīradhyeti

38.24

evaṃ sarvaiḥ pradṛṣṭānāṃ sūktānāmṛkramadarśanam
yuktamante saṅgatānāmiti dṛddheṣu nirṇayaḥ

38.25

tathaivānyena dṛṣṭeṣu mantreṣvanye maharṣayaḥ
nānāvidhāni sūktāni paśyantyapi ca saṅgatāḥ

Linked texts (2)