Pramāṇa · Search · About · API

Madhavanukramani 39

Mādhavānukramaṇī 39

Language
Sanskrit

39.1

acintyamadbhutaṃ vedaṃ sāṅgopāṅgamadhīyate
asyāgamaṃ yathātattvamṛṣirevāvagacchati
ṛṣināmārṣagotreṣu pañcame''smābhiruktake
adhyāyādiṣu vaktavyaṃ vibhajyoktaṃ kramāditi
iti
atha ṣaṣṭho'ṣṭakastasminnadhyāyādiṣu vakṣyate
yacchandasīha vaktavyaṃ vidyate chāndasaurdvaijaiḥ
gāyatryuṣṇiganuṣṭupca bṛhatī pāṅktireva ca
triṣṭubjagatyau sapteti chandāṃsi kavayo viduḥ

39.2

nanu cātijagatyasti śakvaryapyatiśakvarī
tathaiva cāṣṭiratyaṣṭirdhṛtiścātidhṛtistathā

39.3

sarvāṇi dṛṣṭāni ca saṃhitāyāntathaiva cāsaṃścaturuttarāṇi
tataśca vede vacanīyamitthamimāni chandāṃsi caturdaśeti

39.4

nanu ca trīṇi chandāṃsi catvārīti ca dṛśyate
āhuḥ pravādau bhāktau tau saptatvaścaiva tāddaśam

39.5

bhavanti chāndasānīha padāni trīṇi tadyathā
ekamaṣṭākṣarandvaṣṭamekamekādaśākṣaram

39.6

dvādaśākṣaramapyekantena trīṇīti bhāṣate
padandaśākṣaraścālpaṃ vairājantadpekṣitam

39.7

gāyatryevoṣṇigabhavatpaṅktimalpāmupekṣate
anuṣṭubeva bṛhatī tena catvāri bhāṣate

39.8

tadvadbhūyāṃsi saptaiva pradhānānyapi vā punaḥ
kathyante nāmabhiścaiva gāyatrī jagatīti ca

39.9

nicṛto bhurijaścāhustāścedūnādhikākṣarāḥ
dvābhyāṃ virāṭsvarājau ca nicṛduṣṇigabhurikkup

39.10

agniḥ pūrvaibhirṛṣibhirgāyatrī nicṛducyate
vidvāṃsāviduraḥ pṛcchedgāyatrī sā bhuriksmṛtā

39.11

virājamāhū rājantamadhvarāṇāmimāmṛcam
indra juṣasva pravaha saiṣānuṣṭupsvarāḍiti

39.12

catvāraḥ pañcakāḥ pādāṣaṭkaścaiko yadā bhavet
gāyatrī padapaṅktiḥ sā adhā hyagne kṛtoriti

39.13

catuṣko vā caturthaḥ syāccatodāharaṇantvidam
agne tamadyāśvamiti catuṣko hi hṛdispṛśam

39.14

padapaṅktintu paṭhati paṅktiṣveva patañjaliḥ
kātyāyanasya gāyatrī padapaṅktiriti sthitiḥ

39.15

ṣaṭsaptaikādaśāḥ pādā uṣṇiggarbheti tāṃ viduḥ
sā tā me aivyānāmiti layaśca yadi saptakāḥ

39.16

sā tu pādanivṛttyoktā yuvāku hi śacīti sā
yadi saptakayormadhye ṣaṭkaḥ sātinivṛttamṛtā

39.17

sā purūtamampurūṇāṃ stotṛṇāmiti dṛśyate
yadi saptakayormadhye daśakaḥ syātpratiṣṭhitaḥ

39.18

yavamadhyā sā bhavati sa sunve yo vasūnām
ṣaṭkasaptakāṣṭakāścedvardhamāneti kīrtitā

39.19

viparītā pratiṣṭheti tallodāharaṇaṃ śṛṇu
tvamasi praśasya iti tvamagne vratapā asi

39.20

ṣaṭkaiścaturbhirgāyatrī padaistu bhavati kacit
indraḥ śacīpatiriti tannāhustannidarśanam

Linked texts (2)