Madhavanukramani 4
Mādhavānukramaṇī 4
- Language
- Sanskrit
4.1
iti
ayaṃ vāmmadhumattamo mādhavo vyācikīrṣati
pradarśayansamastānāṃ svaravyatyāsakāraṇam
ādyudāttāḥ samāsasthā antodāttā bhavanti ca
antodāttāścādyudāttāstyajantaḥ prākṛtaṃ svaram
4.2
viśveśabda ādyudātto viśve devāso'snidhaḥ
viśvaṃ samatriṇandaha patirviśvasya bhūmanaḥ
4.3
antodāttaḥ samāsastho viśvāmitrasya rakṣati
agniśca viśvaśambhuvamāpaścaḥ viśvabheṣajīḥ
4.4
talāhuḥ kāraṇamidaṃ viśyarthaṃ kevale sphuṭaḥ
samaste tu prakṛtyarthaḥ pratyayārthopasarjanaḥ
4.5
darśayedasamastārthamayaṃ vyāghra itīhaśam
mitraṃ vyāghrasya sarvasya samaste'rthampradarśayet
4.6
antodātto vīraśabdaḥ sakhā vīro na riṣyati
ādyudātto bahuvrīhau rayiṃ vahataṃ suvīram
4.7
amitrānvīrayatyeṣa ityarthaḥ kevale bhavet
kalyāṇavīryamityarthe samastasya pradarśayet
4.8
tātparyaṃ yadi pūrvo'stadā tatra svaro bhavet
ṛṣvavīrasya bṛhata iti tatra nidarśanam
4.9
sarveṣveṣu samāseṣu kāryā sūkṣmekṣikā budhaiḥ
padeṣu cāsamasteṣu śuddhamarthamabhīpsubhiḥ
4.10
prakṛtau pratyaye vāpi svaro yatra vyavasthitaḥ
tātparyantatra śabdasya sthāpayediti nirṇayaḥ
Linked texts (2)
- Ṛgvedānukramaṇī (Mādhava) — Mādhava, Sanskrit
- Ṛgvedānukramaṇī (Mādhava) — Veṅkaṭamādhava, Sanskrit