Madhavanukramani 43
Mādhavānukramaṇī 43
- Language
- Sanskrit
43.1
iti
ā pra drava parāvato vyācikhyāsati mādhavaḥ
pragātheṣu ca vaktavyaṃ sampattiśca pradarśayan
bārhato bṛhatīpūrvaḥ kakuppūrvastu kākubhaḥ
etau satobṛhatyantau pragāthau bhavato ṛcau
43.2
tvamaṅga pra pra vo yahvamācidbṛhu gāyiṣe
bārhatānkākubhānāhustaṅgūrdhya vayambiti
43.3
caturthaṣaṣṭhāvabhyasyetpragāthe bārhate sati
bṛhatyubhe ca kakubhau sampadyante tathā sati
43.4
dve triṣkāraṃ śaṃseta bṛhatīkāramicchatā
tayoreva dvirabhyāsaḥ kārya ityāśvalāyanaḥ
43.5
tṛtīyapañcamau pādāvabhyasyetkākubhe budhaḥ
ṛcau dve kakubhastriśaḥ sampadyante tathā sati
43.6
mahāsatobṛhatyanto yo mahābṛhatībhuvaḥ
sa mahāvārhato nāma bṛhaddhiraṇye arcibhiḥ
43.7
mahābārhatapragāthe caturthe saptamantathā
abhyasyete bṛhatyaḥ sustistastā iti paṇḍitāḥ
43.8
santi pragāthā bahavaḥ prātiśākhyapradarśitāḥ
pātañjale nidāne tu dvau pragāthau pradarśitau
43.9
pragātho yavamadhyānto vāmī vāmasya dhūtayaḥ
bṛhatyau mukhatastasya gāyatrītvantato bhavet
43.10
anuṣṭubve ca gāyatryātrayamānuṣṭubhaḥ smṛtaḥ
ā tvā rathaṃ yathotaya iti tatra nidarśanam
Linked texts (2)
- Ṛgvedānukramaṇī (Mādhava) — Mādhava, Sanskrit
- Ṛgvedānukramaṇī (Mādhava) — Veṅkaṭamādhava, Sanskrit