Madhavanukramani 5

Mādhavānukramaṇī 5

Language: Sanskrit

5.1

atha pramanmahe'dhyāyammādhavo vyācikīrṣati
avagrahavihīnānāmādāvarthampradarśayan
padakāraḥ padānīha nāvagrahṇanti kānicit
teṣāmapi svareṇaiva kuryādarthavinirṇayam

5.2

nirvivakṣedbahuvrīherarthamādau svaro yadi
atha tatpuruṣasyārthamante tiṣṭhati cetsvaraḥ

5.3

juṣṭo damūnā atithirdive mana itīṣyate
śavīrayāśu yasyāḥ syādīraṇampreraṇantathā

5.4

bharāmyāṅgūṣamāsyena svarāttatpuruṣo bhavet
paryāso ghoṣa āṅgūṣo ghasyāne gaśca dṛśyate

5.5

yajñasya ghoṣadasīti yajuḥ kecidadhīyate
kaṭhā goṣadasītyevaṅkārādimadhīyate

5.6

viśeṣeṇa panāyantastadvipāso vipanyavaḥ
karūḷatī kṛttadante vāmadevaḥ karūḷatī

5.7

bahuvrīheḥ svarampaśyannarthantatpuruṣasya ca
arthe spaṣṭe svarañjahyādvaruṇaṃ vo riśādasam

Linked texts (2)

Ṛgvedānukramaṇī (Mādhava) — Mādhava, Sanskrit
Ṛgvedānukramaṇī (Mādhava) — Veṅkaṭamādhava, Sanskrit