Pramāṇa · Search · About · API

Madhavanukramani 51

Mādhavānukramaṇī 51

Language
Sanskrit

51.1

ayaṃ sa yasyāthādhyāyaṃ vyācikhyāsati mādhavaḥ
devānāṃ yajñasambandhe vaktavyaṃ sampradarśayan
itaḥ prattena haviṣā vartante divi devatāḥ
ataḥ pattairiha vayaṃ yathā vartāmahe jalaiḥ

51.2

samānametadudakamuccaityava cāhabhiḥ
itīmamarthamprovāca dīrghatamā māmateyaḥ

51.3

brāhmaṇañca bhavati
sahayajñāḥ prajāḥ sṛṣṭvā purovāca prajāpatiḥ
itīyambhagavadgītā brūte'rthamimamrajñasā

51.4

itihāsapurāṇeṣu nanu lokāḥ pradarśitāḥ
udyānabhavanopetāḥ sarvakāmasamanvitāḥ

51.5

devāsurāṇāṃ yuddhaśca paśvannādinimittakam
kimicchantī sarameti paṇibhiḥ paśavo hṛtāḥ

51.6

aṃśāvatārā devānāṃ santīti kavayo viduḥ
nānāvidhāṃśca te lokānadhitiṣṭhanti pārthivān

51.7

saptadvīpā vasumatī madhye meruśca tiṣṭhati
arvāgghimavato'smābhirmanuṣyairdṛśyate'dhunā

51.8

yajante ta ime devāsteṣu lokeṣvavasthitāḥ
vaidikāṃśca purākalpāṃstanmūlānkavayo viduḥ

51.9

evaśca devā yaṣṭāro yaṣṭavyāśca tathābhavan
aṃśāvatārairyaṣṭāro yaṣṭavyāstu divi sthitāḥ

51.10

āptakāmaḥ khidityasminyaduvāca patañjaliḥ
nidāne tacca boddhavyamimamarthamabhīpsubhiḥ

51.11

ekaḥ kimindro devāśca utāho bahavo'bhavan
bahavaḥ santi sarve ca sadaśā nāmakarmabhiḥ

51.12

janatāyāñjanatāyāmindrasbrāhmaṇamāha ca
yajñeṣvekasya bahuṣu na śakyā yugapadgatiḥ

51.13

atra brāhmaṇam
ekaiko vai janatāyāmindraḥ | ekaṃ cā etāvindramabhi saṃ ṣṭutaḥ | dvau dvau saṃṣṭutaḥ| iti
atra brūma eka eva sarvasya jagataḥ prabhuḥ
bahuṣvindraḥ sannidhatte yajñeṣu yugapaddviṣuḥ

51.14

bahavo mahimāno'sya santi yogena sādhitāḥ
bhāryāsu sobhariritra tairyajñeṣveṣu gacchati

51.15

nānā hi tvā havamānāḥ pradhānāḥ sampradarśitāḥ
ā ta indra mahimānamaranta indra kukṣaye

51.16

mahimno'stitvametābhyāmavagacchanti vaidikāḥ
priyā dhāmānyayāḷagniriti cādhīmahe vayam

Linked texts (2)