Pramāṇa · Search · About · API

Madhavanukramani 56

Mādhavānukramaṇī 56

Language
Sanskrit

56.1

iti
devānānu vayajñānā vyācikhyāsati mādhavaḥ
apairapi vedārtho vaktavya iti darśayan
tatra kecana manyante sarvastaśrutyadarśanāt
gūḍhatvānmatimāndyācca nārtho vācyo'parairiti

56.2

vistṛtaḥ śākhyāyanake tāṇḍakārthasya nirṇayaḥ
tathā śatapathenānyā yajuḥśākhāḥ sapaścitāḥ

56.3

adhyavasyanti mantrārthānevaṃ mantrāntarairapi
śākhāsvanyāsu paṭhitairvispaṣṭārthamanīṣiṇaḥ

56.4

āśvinābhavasūktānāmāśvinairārbhavaistathā
sthitairdeśāntare kurma itihāsavinirṇayam

56.5

gūḍhāḥ padārthavākyārthāḥ śṛṇyevetyādike tathā
tasmānnālpaśrutairmandaiḥ kāryo vedārthanirṇayaḥ

56.6

tathā ca yājñikā viprāḥ kalpairevārthanirṇayam
kurvānti na tvapekṣante mantraṃ vā brāhmaṇāni vā

56.7

atra brūmaḥ kalpakārāḥ sarvā jānanti na śrutīḥ
tadāpastambavacanādasmābhiravasīyate

56.8

atrāpastambaḥ
utsanneṣvapi pāṭheṣu smārtā dharmāḥ prayogataḥ
idānīmanumīyante nanu śrautāstathāvidhāḥ

56.9

addṛṣṭasarvaśākhāśca kurvantyarthavinirṇayam
kalpasūtrakṛtaḥ sarve svadṛṣṭābhiriti sthitiḥ

56.10

kaśyapārṣāṇi sūktāni sahasraṃ śaunako'bravīt
traiṣṭubhānyekabhūryāṃsi jātavedasa ityataḥ

56.11

ātmanā cāpyadṛṣṭāni kathantallāśvalāyanaḥ
niścityovāca vedārthaṅkarthaṃ vā śaunakādayaḥ

56.12

yatra gūḍhārthatā tatra teṣāmapyavinirṇayaḥ
brahmavidyāṃ vadantīti śrutistatra nidarśanam

56.13

vadanti bahudhā tatra syācchando viśayo yadi
nyāyāṃśca parigṛhṇanti viruddhānitaretarān

56.14

avadānaṃ sviṣṭakṛto nājyājjaiminiricchāti
baudhāyanastvājyādapi sakṛdgrahaṇamicchāti

56.15

aṅgopāṅgavidā tasmādyathāśaktyarthanirṇayaḥ
kāryo vedasya rakṣārthamiti dvudvebhya āgamaḥ

56.16

prayogavṛttibhiḥ śakyaḥ kāryārthasya vinirṇayaḥ
naitāvatā vinirṇeyaḥ kalpārtho bhavato'pi ca

56.17

pariṣadyasya vacane na doṣamadhigacchāti
tamabuddhiṅkathambhūpaḥ prabravītu sa eva naḥ

56.18

nirṇayaḥ kalpasūtrāṇāṃ śrutismṛtyostathaiva ca
itihāsapurāṇānāmpariṣadyeva tiṣṭhati

Linked texts (2)