Madhavanukramani 8

Mādhavānukramaṇī 8

Language: Sanskrit

8.1

iti
idaṃ śreṣṭhamathādhyāyammādhavo vyācikīrṣati
rūpe bhinne svare bhinne śabdavṛttimpradarśayan
arthābhede tu śabdasya sarvatra sadṛśaḥ svaraḥ
yadā nataṃ svarampaśyedanyathārthantadā nayet

8.2

purūtamampurūṇāmṛgbhavettatra nidarśanam
tamapcedanudāttaḥ syāttathā hyanyatra darśanam

8.3

śuṣimantamo hi te mado dyumnintama uta kratuḥ
nābodāttau tamau dṛṣṭau dṛśyate tu purūtame

8.4

bahūngalapayatītyarthastena tatra pradarśitaḥ
sarvatraivaṃ samāneṣu svareṇārtho vyavasthitaḥ

8.5

homa gantāramūtaye jetāramaparājitam
pātā śrutamindro'stu sa cettā devatā padam

8.6

indro viśvasya damitā bhettā purāṃ śaśvatīnām
vibhaktāraṃ havāmahe tṛntacoḥ syunirdarśanam

8.7

tṛntacoścārthabhedo'yamprakṛtyarthaḥ sphuṭastṛniṃ
tṛci sphuṭaḥ pratyayārthaḥ prakṛtyarthopasarjanaḥ

8.8

luṅlaḍlṛkṣvaḍudātto yaḥ sa bhūtārthasya sūcakaḥ
vācakānpratyayānāhustalākāraṃ sphuṭaṃ vadet

8.9

nañamāhurathaike tampratiṣedhasya sūcakam
chāndaseṣu lakāreṣu sampratyarthasya sūcakaḥ

Linked texts (2)

Ṛgvedānukramaṇī (Mādhava) — Mādhava, Sanskrit
Ṛgvedānukramaṇī (Mādhava) — Veṅkaṭamādhava, Sanskrit