Apocryphal hymns of the Rigveda (Khilas) 3.15
Ṛgvedakhilāni 3.15
- Language
- Sanskrit
3.15.1
mama vrate hṛdayam te dadhāmi mama cittam anu cittam te astu./
mama vācam eka vratā juṣasva bṛhaspatis tvā niyunaktu mahyam./
3.15.2
dhātā tvā mahyam adadan mahyam dhātā dadhātu tvā./
pra dhātā tvā mahyam prāyacchan mahyam tvā anumatir dadau./
3.15.3
anumatenu manyasva svānumatenu manyasva./
mahyam enam sam ākuru vācā cakṣuṣā manasā mayi samyatam./
3.15.4
āharayat te hṛdayam tad astu hṛdayam mama./
atho yan mama hṛdayam tad astu hṛdayam tava./
3.15.5
hṛdayena hṛdayam prāṇena prāṇam agṛbham./
gṛbhṇāmi cakṣuṣā cakṣur gṛbhṇāmi manasā manaḥ./
3.15.6
ākūtam cittam cakṣuś śrotram atho balam./
śriyam yām devā jagmus tayā badhnāmi te manaḥ./
3.15.7
annamayena maṇinā prāṇa sūtreṇa pṛśninā./
badhnāmi satya grathinā hṛdayam ca manaś ca te./
3.15.8
āvartanam nivartanam mayā saṃvananam tava./
indrāgnī aśvinā ubhā tvaṣṭā dhātā ca cakratuḥ./
3.15.9
yena cittena vadasi yena tvā anyo abhidāsati./
sarvam tad agna ābhara mahyam dāsāya rādhyaḥ./
3.15.10
anuvanam suvanam udvanam vanam./
gharmasya paśya rūpāṇi tena badhnāmi te manaḥ.//22.(.p.100.).
3.15.11
sam mā viśantu paśavas sam mā viśantv oṣadhīḥ./
sam mā viśantu rājāno yathā aham kāmaye tathā./
3.15.12
ananta roham tubhyam bhūyāsam hṛdayam me bhūyāsam anantaram./
3.15.13
sabhā sam āsāv ituś ca avatām ubhe prajāpater duhitārau sacetasau./
saṃgatheṣu pade cāru namo vaiśvānarāya adhi./
3.15.14
(...).ya padena ta ā te prāṇān samādade./
atho etat samādade yad anyeṣu janeṣu ca./
3.15.15
aham te cakṣuṣā cakṣur aham te manasā manaḥ./
aham gandharva rūpeṇa sana āvartayāmi te./23
3.15.16
hata citto hata mano hato anyeṣu te manaḥ./
sarveṣu kṛṣṇa keśeṣu hato anyeṣu te manaḥ./
3.15.17
mām ca eva paśya sūryam ca mā tṛtīyam kadācana./
3.15.18
smṛtir asi kāma saṃjananī mayi te kāmo astu./
yat te mano vareṇyam lokeṣu bahudhā kṛtam./
3.15.19
samudram iva saritas sarvam tvā anuvartayāmasi./
ādīpayāmi te hṛdayam agnā me va pradīpayāmasi./
3.15.20
eṣa te hṛdaya iṅgāro dīptas te asmi dahyase./
mayā te dahyamānasya agnir dāṃsena na tṛpyatu bhūmir dāṃsena tṛpyatu.//24
3.15.21
cittam ca te manaś ca te mayi dhātā niyacchatu./
mayi te cittam āyattam manas te mayi samaśnute./
3.15.22
āvṛtās te mayā prā.(..
blank.
3.15.26
naṣṭam te kṛpam anyasmin mayi te ramatām manaḥ./
anu.(...).manaḥ./
3.15.27
cakṣuś śrotram ca adhītam ca sarvam te aham ādade./
hṛdya ṛṣir ajāyata de.(...).|.(.p.101.).
3.15.28
tad eva eṣv adadhur hṛdayeṣv artha darśinam./
sarvajñam sarva darśinam sa naḥ karmāṇi sādhaya./
3.15.29
ye.(...).stava jātavedaḥ praviṣṭā agnir durhṛdayasya karma./
teṣām aham bhāgadheyam juhomi tam mā devās sarvaiḥ kāmais tarpayantām./
3.15.30
bhṛgūṇām aṅgirasām tapaso gṛṇa samyatam./
kuśika abhyavarāṇām ca mana āvartayāmi te./
3.15.31
yat te mano vareṇyam lokeṣu bahudhā kṛtam./
tat ta āvartayāmasy adhriś ca ahaś ca brāhmaṇaḥ./
3.15.32
yat kakṣīvān saṃvananam putro aṅgirasām avet./
tena no adya viśve devās sam priyām sam avīvanan.//26.(.p.102.).