Apocryphal hymns of the Rigveda (Khilas) 3.6
Ṛgvedakhilāni 3.6
- Language
- Sanskrit
3.6.1
etat ta inra vīryam gīrbhir gṛṇanti kāravaḥ./
te stobhanta ūrjam āvan ghṛta ścutam paprāso nakṣan dhītibhiḥ./
3.6.2
nakṣanta indram avase ṣukṛtyayā yeṣām suteṣu mandase./
yathā saṃvarte amado yathā kṛśa eva asme indra matsva./
3.6.3
ā no viśve sajoṣaso devāso gantana upa naḥ./
vasavo rudrā avase na ā gamam śṛṇvantu maruto havam./
3.6.4
pūṣā viṣṇur havanam me arasvaty avantu sapta sindhavaḥ./
āpo vātaḥ parvatāso vanaspatiś śṛṇotu pṛthivī havam.//11
3.6.5
yad indra rādho asti te maghonam maghavattama./
tena no bodhi sadhamādyo vṛdhe bhago dānāya vṛtrahan.|.(.p.94.).
3.6.6
ājipate nṛpate tvam id dhi no vāja ābhakṣi sukrato./
vayam hotrābhir uta deva hūtibhis sasavāṃso manāmahe./
3.6.7
santi hy arya āśiṣa indra āyur janānām./
asmān nakṣasva maghavann upa avase dhukṣasva pipyuṣīm iṣam./
3.6.8
vayam ta indra stomebhir vidhema tvam asmākam śatakrato./
mahi sthūram śaśayam rādho ahrayam praskaṇvāya intosaya.//12