Samhitapadapatha 144
Saṃhitāpadapāṭha 144
- Language
- Sanskrit
144.0
uta | sma̱
ā̱su̱ | pra̱tha̱maḥ | sa̱ri̱ṣyan | ni | ve̱ve̱ti̱ | śreṇi̍'bhiḥ | rathā̍nāṃ
sraja̍ṃ | kṛ̱ṇvā̱naḥ | janya̍ḥ | na | śubhrā̍ | re̱ṇuṃ | re̱ri̱hat | kira̍ṇaṃ
da̱da̱śvān || uta | syaḥ | vā̱jī | sahū̍riḥ | ṛta̱'vā̍ | śuśrū̍ṣamāṇaḥ
ta̱nvā̍ | sa̱'marye̍ || tura̍ṃ | ya̱tīṣu̍ | tu̱raya̍n | ṛ̱jipya̍ḥ | adhi̍ | bhruvo̍ḥ
ki̱rate̱ | re̱ṇuṃ | ṛ̍ja̱n || uta | sma̱ | asya̍ | ta̱nya̱toḥ'i̍va | dyoḥ
ṛ̱ghāya̱taḥ | a̱bhi̱'yuja̍ḥ | bhaya̍ṃte || ya̱dā | sa̱hasra̍ṃ | a̱bhi | sī̍ṃ
ayodhīt | du̱ḥ'varttu̍ḥ | sma̱ | bha̱va̱ti̱ | bhīma̍ḥ | ṛ̍ja̱n
144.12
pa̱na̱yaṃti̍ | janā̍ḥ | jū̱tiṃ | kṛ̱ṣṭi̱'praḥ | a̱bhi̱'bhūti̍ṃ | ā̱śoḥ || uta
e̱na̱ṃ | ā̱hu̱ḥ | saṃ'ithe̍ | vi̱'yaṃta̍ḥ | parā̍ | da̱dhi̱'krāḥ | a̱sa̱ra̱t
sa̱hasrai̍ḥ || ā | da̱dhi̱'krāḥ | śava̍sā | paṃca̍ | kṛ̱ṣṭīḥ | sūrya̍ḥ'iva | jyotiṣā̍ | a̱paḥ | ta̱tāna̍ || sa̱hasra̱'sāḥ | śa̱ta̱'sāḥ | vā̱jī | arvā̍
pṛ̱ṇaktu̍ | madhvā̍ | saṃ | i̱mā | vacā̍ṃsi
144.13
ā̱śuṃ | da̱dhi̱'krāṃ | taṃ
ū̱m̐iti̍ | nu | sta̱vā̱ma̱ | di̱vaḥ | pṛ̱thi̱vyāḥ | uta | ca̱rki̱rā̱ma̱ || u̱cchaṃtīḥ | māṃ | u̱ṣasa̍ḥ | sū̱da̱ya̱ṃtu̱ | ati̍ | viśvā̍ni | du̱ḥ'itāni̍
parṣa̍n || ma̱haḥ | ca̱rki̱rmi̱ | arba̍taḥ | kratu̱'prāḥ | da̱dhi̱'krāvṇa̍ḥ | puru̱'dāra̍sya | vṛṣṇa̍ḥ || yaṃ | pu̱ru̱'bhya̍ḥ | dī̱di̱'vāṃsa̍m | na | a̱gniṃ | da̱dathu̍ḥ
mi̱trā̱varu̍ṇā | ta̱tu̍riṃ || yaḥ | aśva̍sya | da̱dhi̱'krāvṇa̍ḥ | akā̍rīt
saṃ'i̱ddhe | a̱gnau | u̱ṣasa̍ḥ | vi̱'u̱ṣṭau | anā̍gasaṃ | taṃ | adi̍tiḥ
kṛ̱ṇo̱tu̱ | saḥ | mi̱treṇa̍ | varu̍ṇena | sa̱'joṣā̍ḥ || da̱dhi̱'krāvṇa̍ḥ | i̱ṣaḥ
ūrja̍ḥ | ma̱haḥ | yat | ama̍nmahi | ma̱rutā̍ṃ | nāma̍ | bha̱draṃ || sva̱staye̍
varu̍ṇaṃ | mi̱traṃ | a̱gniṃ | havā̍mahe | iṃdra̍ṃ | va̱jraṃ'bā̱huṃ || iṃdra̍ṃ'iva | it
u̱bhaye̍ | vi | hvaya̍te | ut'īrā̍ṇāḥ | ya̱jñaṃ | upa̍'pra̱yaṃta̍ḥ || da̱dhi̱'krāṃ
ī̱rttiṃ | sū̱da̍naṃ | martyā̍ya | da̱dathu̍ḥ | mi̱trāvaruṇā | na̱ḥ | aśva̍ṃ
da̱dhi̱'krāvṇa̍ḥ | a̱kā̱ri̱ṣa̱ṃ | ji̱ṣṇoḥ | aśva̍sya | vā̱jina̍ḥ || su̱ra̱bhi
na̱ḥ | mukhā̍ | ka̱ra̱t | pra | na̱ḥ | āyū̍ṃṣi | tā̱ri̱ṣa̱t
144.14
da̱dhi̱'krāvṇa̍ḥ | it | ū̱rttiṃ | nu | ca̱rki̱rā̱ma̱ | viśvā̍ḥ | it | māṃ | u̱ṣasa̍ḥ | sū̱da̱ya̱ṃtu̱ || a̱pāṃ | a̱gneḥ | u̱ṣasa̍ḥ | sūrya̍sya | bṛhaspate̍ḥ | ā̱ṃgi̱rasa̍sya | ji̱ṣṇoḥ || satvā̍ | bhari̍ṣaḥ | go̱'iṣa̍ḥ | du̱dhrya̱'sat | śrava̍syāt | iṣa̍ḥ | u̱ṣasa̍ḥ | tu̱ra̱ṇya̱'sat || sa̱tyaḥ | dra̱vaḥ | dra̱va̱draḥ
su̱taṃga̱raḥ | da̱dhi̱'krāvā̍ | iṣa̍ṃ | ūrja̍ṃ | sva̍ḥ | ja̱na̱t || uta | sma̱ | a̱sya̱
drava̍taḥ | tu̱ra̱ṇya̱taḥ | pa̱rṇaṃ | na | veḥ | anu̍ | vāti̍ | pra̱'ga̱rdhina̍ḥ
śye̱nasya̍'iva | dhraja̍taḥ | a̍ṅkasaṃ | pari̍ | da̱dhi̱'krāvṇa̍ḥ | sa̱ha | ūrjā
cari̍thrataḥ || uta | syaḥ | vā̱jī | kṣi̱pa̱ṇiṃ | tu̱ra̱ṇyati̍ | grī̱vāyā̍ṃ
baddhaḥ | a̱pi̱'ka̱kṣe | ā̱sani̍ || kratu̍ṃ | da̱dhi̱'krāḥ | anu̍ | sa̱ṃ'ta̱rvīva̱t | pa̱thāṃ | aṃkā̍si | anu̍ | ā̱'panī̍phaṇat || ha̱ṃsaḥ | śu̱ci̱'sat
vasu̍ḥ | a̱ṃtari̍kṣa̱'sat | hotā̍ | ve̱di̱'sat | ati̍thiḥ | du̱ro̱ṇa̱'sat
nṛ̱'sat | va̱ra̱'sat | ṛ̱ta̱'sat | vyo̱ma̱'sat | a̱b'jāḥ | go̱'jāḥ
ṛ̱ta̱'jāḥ | a̱dri̱'jāḥ | ṛ̱taṃ
Linked texts (1)
- Śākala — Sanskrit