Pramāṇa · Search · About · API

Samhitapadapatha 15

Saṃhitāpadapāṭha 15

Language
Sanskrit

15.0

tvāṃ | agne̱
pra̱tha̱maṃ | ā̱yuṃ | āyave̍ | de̱vāḥ | a̱kṛ̱ṇva̱n | nahu̍ṣasya | vi̱śpati̍m
iḷā̍ṃ | a̱kṛ̱ṇva̱n | manu̍ṣasya | śāsa̍nīm | pi̱tuḥ | yat | pu̱traḥ
marma̍kasya | jāya̍te

15.34

tava̍ | de̱va̱ | pā̱yu'bhi̍ḥ | ma̱ghona̍ḥ
rakṣa̍ | ta̱nva̍ḥ | ca̱ | vaṃdya̍ || trā̱tā | to̱kasya̍ | tana̍ye | gavā̍m
a̱si̱ | ani̍'meṣaṃ | rakṣa̍māṇaḥ | tava̍ | vra̱te | tvaṃ | agne̱ | yajya̍ve
pā̱yuḥ | aṃta̍raḥ | a̱ni̱ṣa̱ṃgāya̍ | ca̱tuḥ'a̱kṣaḥ | i̱dhyase̍ || yaḥ | rā̱ta'ha̍vyaḥ
avṝ̱kāya̍ | dhāryase̍ | kī̱reḥ | cit | maṃtra̍ṃ | mana̍sā | va̱no̱ṣi̱ | taṃ
tvaṃ | agne̱ | u̱ru'śaṃsā̍ya | vā̱ghate̍ | spāha̍ṃ | yat | rekṇa̍ḥ | pa̱ra̱maṃ
va̱noṣi̍ | tat | ā̱bhra̍sya | cit | pra'ma̍tiḥ | u̱cyase̱ | pi̱tā | pra
pāka̍m | śāssi̍ | pra | diśa̍ḥ | vi̱duḥ'ta̍raḥ || tvaṃ | a̱gne̱ | prayata̍'dakṣiṇam | nara̍m | varma̍'iva | syū̱taṃ | pari̍ | pā̱si̱ | vi̱śvata̍ḥ || svā̱du̱'kṣadmā̍ | yaḥ | va̱satau̍ | syo̱na̱'kṛt | jī̱va̱'yāja̍ṃ | yaja̍te | saḥ
u̱pa̱'mā | diva̍ḥ

15.35

i̱māṃ | a̱gne̱ | śa̱raṇi̍m | mī̱mṛ̱ṣa̱ḥ | na̱ḥ | i̱maṃ
adhvā̍naṃ | yaṃ | agā̍ma | dū̱rāt | ā̱piḥ | pi̱tā | pra'ma̍tiḥ | so̱myānā̍m
bhṛmi̍ḥ | a̱si̱ | ṛ̱ṣi̱'kṛt | martyā̍nām || ma̱nu̱ṣvat | a̱gne̱ | a̱ṅgi̱ra̱svat
aṃgi̍raḥ | ya̱yā̱ti̱'vat | sada̍ne | pū̱rva̱'vat | śuce̍ || accha̍ | yā̱hi̱ | ā
vaha̍ | daivya̍m | jana̍m | ā | sā̱daya̱ | ba̱rhiṣi̍ | yakṣi̍ | ca̱ | pri̱yaṃ || e̱tena̍
agne̱ | brahma̍ṇā | va̱vṛ̱dha̱sva̱ | śaktau̍ | vā̱ | yat | te̱ | ca̱kṛ̱ma | vi̱dā
vā̱ | u̱ta | pra | ne̱ṣi̱ | a̱bhi | vasya̍ḥ | a̱smān | saṃ | na̱ḥ | sṛ̱ja̱ | su̱'ma̱tyā | vāja̍'vatyā

15.36

iṃdra̍sya | nu | vī̱ryā̍ṇi | pra | vo̱ca̱ṃ
yāni̍ | ca̱kāra̍ | pra̱tha̱māni̍ | va̱jrī || aha̍n | ahi̍ṃ | anu̍ | a̱paḥ
ta̱ta̱rda̱ | pra | va̱kṣaṇā̍ḥ | a̱bhi̱na̱t | parva̍tānām || aha̍n | ahi̍ṃ | parva̍te
śi̱śri̱yā̱ṇaṃ | tvaṣṭā̍ | a̱smai̱ | vajra̍m | sva̱rya̍m | ta̱ta̱kṣa̱ || vā̱śrāḥ'i̍va
dhe̱nava̍ḥ | syaṃda̍mānāḥ | aṃja̍ḥ | sa̱mu̱draṃ | ava̍ | ja̱gmu̱ḥ | āpa̍ḥ || vṛ̱ṣa̱'yamā̍ṇaḥ | a̱vṛ̱ṇī̱ta̱ | soma̍m | tri̱'ka̍drukeṣu | a̱piba̍t | su̱tasya̍ || ā
sāya̍kaṃ | ma̱ghava̍ā | a̱da̱tta̱ | vajra̍m | aha̍n | e̱na̱ṃ | pra̱tha̱ma̱'jāṃ
ahī̍nāṃ || yat | iṃdra̍ | aha̍n | pra̱tha̱ma̱'jāṃ | ahī̍nāṃ | āt | mā̱yinā̍ṃ
ami̍nāḥ | pra | u̱ta | mā̱yāḥ || āt | sūrya̍m | ja̱naya̍n | dyāṃ | u̱ṣasa̍ṃ
tā̱dītnā̍ | śatru̍ṃ | na | ki̱la̱ | vi̱tse̱ || aha̍n | vṛ̱traṃ | vṛ̱tra̱'tara̍m | vi̱'aṃsa̍m | iṃdra̍ḥ | vajre̍ṇa | ma̱ha̱tā | va̱dhena̍ || skaṃdhā̍ṃsi'iva | kuli̍śena
vi̱'vṛ̱kṇā | ahi̍ḥ | śayate̱ | upa̱'pṛk | pṛ̱thi̱vyāḥ

15.37

a̱yo̱ddhā'i̍va | du̱'mada̍ḥ | ā | hi | ju̱hve | ma̱hā̱'vī̱raṃ | tu̱vi̱'bā̱dhaṃ | ṛ̱jīṣa̍ṃ
na | a̱tā̱rī̱t | a̱sya̱ | saṃ'ṛ̍tim | va̱dhānā̍ṃ | saṃ | ru̱jā̱nā̍ḥ | pi̱pi̱ṣe̱
iṃdra̍'śatruḥ || apā̍t | aha̍staḥ | a̱pṛ̱ta̱nyat | iṃdra̍ | ā | a̱sya̱ | vajra̍m
adhaii | sānau̍ | ja̱ghā̱na̱ || vṛṣṇa̍ḥ | vadhi̍ḥ | pra̱ti̱'māna̍m | bu̱bhū̱ṣan
pu̱ru̱'trā | vṛ̱traḥ | aśa̍yat | vi'a̍staḥ || na̱daṃ | na | bhi̱nnaṃ | a̱muyā̍
śayā̍naṃ | mana̍ḥ | ruhā̍ṇāḥ | ati̍ | ya̱ṃti̱ | āpa̍ḥ | yāḥ | ci̱t
vṛ̱traḥ | ma̱hi̱nā | pari̍'ati̍ṣṭhat | tāsā̍m | ahi̍ḥ | pa̱tsu̱ta̱ḥ'śīḥ
ba̱bhū̱va̱ || nī̱cā'va̍yāḥ | a̱bha̱va̱t | vṛ̱tra'pu̍trā | iṃdra̍ḥ | a̱syā̱ḥ
ava̍ | vadha̍ḥ | ja̱bhā̱ra̱ || ut'u̍ttarā | sūḥ | adha̍raḥ | pu̱traḥ | ā̱sī̱t
dānu̍ḥ | śaye̱ | saha̱'va̍tsā | na | dhe̱nuḥ || ati̍ṣṭhaṃtīnāṃ | a̱ni̱'ve̱śa̱nānā̍m | kāṣṭhā̍nāṃ | madhyai̍ | ni'hi̍taṃ | śarī̍raṃ || vṛ̱trasya̍ | ni̱ṇyaṃ
vi | cara̱ṃti̱ | āpa̍ḥ | dī̱rghaṃ | tama̍ḥ | ā | a̱śa̱ya̱t | iṃdra̍'śatruḥ

15.38

dāsa̍'patnīḥ | ahi̍'gopāḥ | ati̍ṣṭhan | ni'ru̍ddhāḥ
āpa̍ḥ | pa̱ṇinā̍'iva | gāva̍ḥ || a̱pāṃ | bilaiṃ | api̍'hitaṃ | yat
āsī̍t | vṛ̱traṃ | ja̱ghnyan | apa̍ | tat | va̱vā̱ra̱ || a̱śvya̍ḥ
vāra̍ḥ | a̱bha̱va̱ḥ | tat | iṃdra̱ | sṛ̱ke | yat | tvā̱ | prati̍'ahan
de̱vaḥ | eka̍ḥ || aja̍yaḥ | gāḥ | aja̍yaḥ | śūra̱ | soma̍m | ava̍
a̱sṛ̱ja̱ḥ | sarta̍ve | sa̱pta | siṃdhu̍n || na | a̱smai̱ | vi̱'dyut | na | ta̱nya̱tuḥ
si̱se̱dha̱ | na | yāṃ | miha̍m | aki̍rat | hrā̱duni̍m | ca̱ || iṃdra̍ḥ | ca̱ | yat
yu̱yu̱dhāte̱iti̍ | ahi̍ḥ | ca̱ | uta | a̱pa̱rā̱bhya̍ḥ | ma̱ghava̍ | vi
ji̱gye̱ || ahi̍ḥ | yā̱tāra̍m | kaṃ | a̱pa̱śya̱ḥ | iṃdra̍ | hṛ̱di | yat | te̱
ja̱ghnuṣa̍ḥ | bhīḥ | aga̍cchat || nava̍ | ca̱ | yat | na̱va̱tiṃ | ca̱
srava̍tīḥ | śye̱naḥ | na | bhī̱taḥ | ata̍raḥ | rajām̐si || iṃdra̍ḥ | yā̱taḥ
ava̍'sitasya | rājā̍ | śarma̍sya | ca̱ | śṛ̱ṃgiṇa̍ḥ | vajra̍'bāhuḥ | saḥ | it
ū̱m̐iti̍ | rājā̍ | kṣaya̱ti̱ | ca̱rṣa̱ṇī̱nāṃ | a̱rān | na | nemi̍ḥ | pari̍
tā | ba̱bhū̱va̱

Linked texts (5)