Samhitapadapatha 152.1

152.1

hariḥ oṃ || i̱dam | ū̱rdhvam | tyat | pu̱ru̱'tama̍m | pu̱rastā̍t
jyoti̍ḥ | tama̍saḥ | va̱yuna̍'vat | a̱sthā̱t || nūnam | di̱vaḥ | du̱hi̱tara̍ḥ
vi̱'bhātī̍ḥ | gā̱tum | kṛ̱ṇava̱n | u̱ṣasa̍ḥ | janā̍ya || asthu̍ḥ | ū̱rdhvam
ci̱trāḥ | u̱ṣasa̍ḥ | pu̱rastā̍t | mi̱tāḥ'i̍va | svara̍vaḥ | a̱dhva̱reṣu̍ || vi
ū̱m̐iti̍ | vra̱jasya̍ | tama̍saḥ | dvārā̍ | u̱cchaṃtī̍ḥ | a̱tra̱n | śuca̍yaḥ
pāva̱kāḥ || u̱cchaṃtī̍ḥ | a̱dya | ci̱taya̍ṃta | bhojā̍n | rādha̍ḥ'deyā̍ya
u̱ṣasa̍ḥ | ma̱ghonī̍ḥ || aci̍tre | a̱ntariti̍ | pa̱ṇaya̍ḥ | sa̱saṃtu̍ | abu̍dhyamānāḥ | tama̍saḥ | vi̱'madhye̍ || ku̱vit | saḥ | de̱vīḥ | sa̱naye̍ḥ | nava̍ḥ
vā̱ | yāma̍ḥ | ba̱bhū̱yāt | u̱ṣasa̍ḥ | va̱ḥ | a̱dya || yena̍ | nava̍'gve
aṃgi̍re | daśa̍'gve | sa̱pta'ā̍sye | ra̱vatī̍ḥ | re̱vat | ūṣa̍ || yū̱yam | hi
de̱vīḥ | ṛ̱ta̱yuk'bhi̍ḥ | aśvai̍ḥ | pari̍'prayātha | bhuva̍nāni | sa̱dyaḥ
pra̱'bo̱dhaya̍ṃtīḥ | u̱ṣasa̍ḥ | sa̱saṃta̍m | dvi̱'pāt | catu̍ḥ'pāt | ca̱rathāya
jī̱vam